Nakin hun Lunglei tur thlirlawk
Lunglei Town Planning & Development Committee chu Nilaini khan thukhawmin, ram awm dan leh mihring pun zel dan thlir chunga Lunglei ruangam leh hmasawn dan tur ruahmanna, “Geographic Information System (GIS) based Lunglei Master Plan” an sawiho.
Thutkhawmah hian Lunglei Municipal councillor-te, LMC huamchhunga Local Council chairman-te leh a kaihhnawih sawrkar department aiawhte an tel a. AMRUT 2.O hnuaia GIS-Based Master Plan siamtu tur consultant – Spatial Decisions leh UD&PA Town & Country Planning Wing hotuten presentation pe in, master plan kalpui dan tur thlirho a ni.
Risk-Informed GIS-Based Master Plan for Lunglei Town hnuaiah hian kum 2045 thlirin Lunglei khawpui tan master plan duan a ni a. Khawpui than zel dan tur leh hmasawnna hnathawh felfai leh awmze nei taka kalpui a nih theihnan tun dinhmun zirchian (survey leh data collection) uluk taka kalpuiin, mipui leh department-te nen inrawn chunga ruahmanna siam tum a ni a. Kumin chhung ngeiin in tina kalchilha zirchian (household survey) zawhfel hman tum a ni.
Nakin hun Lunglei tur thlirlawk
