Daily Newspaper

Nasa taka 3rd round lut Djokovic!

12

French Open khelh mekah world number one Novak Djokovic chuan a bul tan that chhunzawmin Ningani khan lainatna tel lo straight-set hnehnain Lithuanian world number 66 Ricardas Berankis chu second round-ah a sawp a, 6-1 6-2 6-2 nena round three lut Seb hian a match hmasa pahnihah game 10 chiah a hloh.

Kum 33 mi Djokovic hi tournament kal laia champion thei tura ngaih zinga pakhat niin, darkar khat leh minute 23 lek chhunga hnehna a chan hnuah tluang taka a chak chhoh zel a beisei thu a sawi.

Top seed hian title hlawhchuak turin inelna hautak hmachhawn tur a nei dawn a, he hmuna vawi 12 champion tawh Rafael Nadal bakah tumhnih lai runner-up ni ve tawh Austria mi Dominic Thiem-te chu a kawng dal thei tur langsar zual an ni.

Grand Slam title 18 l^k tlin a tumna kawngah Djokovic hian American world number 47 Tennys Sandgren hnehtu Colom-bian qualifier Daniel Elahi Galan a tum leh ang.

Kumin bika court chhunga tlawm la nei lo Djokovic hi US Open last-16 match-a Spain mi Pablo Carreno Busta a hmachhawn tum khan ball-a line judge hrawk a hlap per avangin tourna-ment khel zui thei lo tura hnawhchhuah a ni a, kha chiah kha kumin inelna bika chak loa puan a nih awmchhun a la ni.

Court Suzanne Leng-len, Canadian ninth seed Denis Shapovalov chu darkar nga zet inbeih-naah world number 101 Roberto Carballes Baena hneh loin a tlawm thung a; kum 27 mi Spaniard Baena hian tunhma lamin Paris-ah third round a la thleng ngai lo a, kuminah erawh amah aia ranking lama sang zawk lakah 7-5 6-7 (5-7) 6-3 3-6 8-6 hnehna changin, Bulgarian 18th seed Grigor Dimitrov lakah a vanneihna a enchhin leh dawn a ni.

Dimitrov hian Ningani second round inkhel dangah Slovakian world number 102 Andrej Martin chu 6-4 7-6 (7-5) 6-1-in a hneh ve bawk.

Greek fifth seed Ste-fanos Tsitsipas chuan Philippe Chatrier court lamah arsatna t^wk loin Uruguayan Pablo Cuevas lakah 6-1 6-4 6-2 hnehna nuamsa a sualchhuak.

Russian 15th seed Karen Khachanov pawh round three lut zingah telin, Jiri Vesely lakah 6-1 6-7 (4-7) 7-6 (9-7) 7-6 (7-2) hnehna a chang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy