Krishi Vigyan Kendra Kolasib District leh Indian Council of Agriculture Research tangdun buatsaih ‘Mega Workshop on Natural Farming’ chu Nilaini khan Kolasib-ah neih a ni a. Loneitute hnenah ‘natural farming’ tih thupui hmangin zirtirna pek a ni a, hmanraw hrang hrang sem a ni. Thlai leh ran enkawl chungchangah mithiamte rawnna hun siam a nih bakah financial literacy campaign kalpui a ni bawk.
A hawngtu district bawrhsap John LT Sanga chuan kuthnathawktute chu ei leh bara kan intodelh theih nana kan ram inghahna pawimawh ber zing ami an ni tih a sawi a. Taksa tana hriselna pe thei buh, thlai leh thei tharchhuah kawngah natural farming intihhmuh zel a pawimawh tih sawiin, chumi tura KVK leh ICAR Kolasib-in loneitute tan workshop an buatsaih chu lawmawm a tih thu a sawi.
KVK Kolasib-a subject matter specialist Zohlunpuii chuan ‘natural farming’ tih thupui hmangin zirtirna a pe a. Natural farming hnuaia thlai ven dan tih bu siam chu tlangzarh a ni.
Natural farming lam inhrilh
