Hmeichhia, an fate an hnute hnek tir te chuan an fate hnute siamchawp hnek tir (bottle-feed) te aiin fate tan leh chhan an tihna duh bik niin mithiam ten an sawi.
Fate chhan an tihnat bakah nu, an hnute tui an fate hnek tir te chuan a hnek tir ve lo te aiin BP sang neih theihna risk an nei hniam zawk niin an sawi bawk.
UCLA Department of Psychology-a mithiam ten zirchianna neiin, nuin a hnute a fa a hnek tir hian stress chi hrang hrang a neih theihna risk pawh a hniam sawt niin an sawi a, an huaisen sawt niin an sawi bawk.
Zirchiannaa an hotunu Jennifer Hahn-Holbrook chuan, “Naute tan nu hnute tui hi hrisel nan a tha a, chutiang bawkin nu tan pawh fate hnute hnek tir hi a tha a ni. Nuin a fa hnute a hnek tir hian stressor hrang hrang risk a tihniam a, chubakah nu chu a huaisen sawt a, amah leh a fa venghim turin chakna thar a pe a ni,” a ti.
Hahn-Holbrook chuan, “Huaisen leh chak sawt kan tih hian khawiah emaw kala buaina va siam ang chi a ni lo, mahse, a fa chhan turin a huaisen sawt dawn a ni. Hetiang hi ‘lactation aggression’ emaw ‘maternal defense’ emaw kan ti,” a ti bawk.
He zirchianna chungchang hi Psychological Science-ah tarlan a ni.
Nau hnute hnek tir ten fate \an an ti na
