Nau hnute pe lai i nih chuan coffee emaw thingpui emaw chocolate emaw te ei leh in loh tur a ni a, chutiang i lo ti a nih chuan caffeine accumulation a thlen thei a, chu chuan nau mut theih loh phahna emaw, zat deuh chengna te nauteah a thlen thei niin mithiam ten an sawi.
University of Rochester School of Medicine and Dentistry-a Department of Pediatrics a mithiam ten zirchianna an neih tharah chuan, nausen te chuan caffeine hi an metabolize tha ve thei lova, an taksa atanga paihchhuah leh pawh an harsat bik a ni.
Caffeine chu coffee, thingpui leh chocolate-ah te a tam hle a, soft drink chi hrang hrangah pawh a tam hle.
He zirchiannaa an hotu Dr Ruth Lawrence chuan, “Nu, nau hnute pe lai chuan a caffeine lakluh te a tih tawp a tha ber a ni. Nau neih hnuah nu chuan a ei leh in tur a uluk a ngai hle a, thil reng reng ei tawk tawk lova, tlem tlema ei thin tur a ni, chu chu a caffeine lak luh pawh a tiziaawm thei ang,” a ti.
He zirchianna chungchang hi Journal of Caffeine Research-ah tarlan a ni.
Nau hnute pek laiin thingpui in suh
