Daily Newspaper

Naupang dikna chanvo tihlanna tlangzarh+

16

Mizoram Legislative Assembly speaker Lalrinliana Sailo chuan CHILDLINE 1098 awareness video clip chu video conference hmangin a tlangzarh.

Speaker chuan child right issue chu thil pawimawh tak leh ram roreltute pawhin keimahni level theuha kan ngaihpawimawh tur a ni, tiin, tun dinhmunah Mizoramah pawh naupang chhawmdawl leh ngaihsak ngai, harsatna tawk engemawzat an awm tih a sawi. Heng naupangte tana biakpawh theiha Childline team kan nei chu lawmawm a tih thu a sawi a. Childline 1098 hi Mizo mipuiten tangkai taka kan hman theuh a beisei tih a sawi a ni.

CHILDINE 1098 hi Ministry of Women & Child Development hnuaia project pawimawh tak niin India ram hmun hrang hrangah hna a thawk a, Mizoramah chuan Centre for Peace and Development hmalaknain kum 2011 atang khan Aizawl district-ah hna thawh tan a ni. Kum 2015-ah Mamit district-ah CHILDLINE 1098 hi hawn belh leh a ni. CHILDLINE 1098 in a tum ber chu, naupang pianghlim atanga kum 18 la pumhlum lo te dikna chanvo humhalhsak niin, naupang venhim leh tanpui ngaite tan darkar 24 chhung hna a thawk.

CHILDLINE Aizawl hian kum 2020-2021 chhung khan naupang harsatna nei 474 a tanpui a; Covid-19 avanga ei leh bar tlachham chhungkaw 322 hnenah ei leh in tur pein tanpuina an pe bawk. Naupang tawhsual tawk leh eng kawng pawha harsatna neite chuan phone no. 1098 ah emaw 9774222275 ah emaw biakpawh theih reng a ni.

Mizoram State Commission for Protection of Child Rights chairman Dr C. Lalsangzuala chuan video clip siam a nih chhante sawiin ‘Child Protection Issues in Mizoram’ tih thupui hmangin Mizorama naupang venhim leh tanpui ngaite dinhmun leh buaipui an nih dan kalphungte a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy