Naupang dikna leh chanvo lama hriat tur zirtirtute hrilh
Mizoram State Commission for Protection of Child Rights (MSCPCR) chuan Zirtawpni khan Aizawl Municipal huamchhunga sawrkar elementary school zirtirtute ‘Mental Health & Child Care Counselling’ leh ‘Child Rights & Child Protection Laws’ a zirpui.
MSCPCR chairperson Jimmy Laltlanmawia chuan zirtirtute chu naupangte dikna leh chanvo humhalh kawngah dan behchhana thahnemngai taka thawk tur leh thawhhona tha tak chhawmnung zel turin a chah.
Workshop hi hun hnihah thenin, hun khatnaah MSCPCR member Vanhmingliani leh MSCPCR legal officer Priscilla Lallawmsangi ten ‘Child Rights & Child Protection Laws’ chungchang an zirtir a. Naupangte dikna leh chanvo humhalhna dan hrang hrang – RTE Act, JJ Act leh POCSO Act a bik taka thlurbingin zirtir an ni.
Hun hnihnaah clinical psychologist Rebecca Lanundiki’n ‘Mental Health & Child Care Counselling’ chungchang zirtirin, naupang counselling pek dan leh enkawl dan a tawnhriat behchhanin a sawizau a ni.
Naupang dikna leh chanvo lama hriat tur zirtirtute hrilh
