Naupang fimkhur lo leh tladah an thau duh
Mithiam ten zirchianna an neih hnuah naupang che fimkhur lo, invawng fel lo leh thil ti tha peih lo te chu an puitlin hnuah an thau uchuak (obese) duh niin an sawi.
Oregon Research Institute (ORI) in zirchianna neiin, naupan lai nunphung leh puitlin hnua taksa hriselnain inzawmna a neih dan te a zir bing a, naupan laia mahni pawh invawng tha peih lo, tladah leh thil titha peih lo te chu an puitlin hnuah an thau uchuak duh tih an hmuchhuah bakah naupan laia invawngfel leh thil tha taka ti thin te chu an damrei zawk a, kum 30-40 vel an tlin pawhin an hrisel duh zawk tih an hmuchhuak niin an sawi.
He zirchianna hi Big Five personality traits (extraversion, agreeableness, conscientiousness, emotional stability leh intellect/imagination) leh puitlin hnua hriselna chungchang inkaihhnawih dan an zirbing vawi khatna a ni a, 1960’s-a naupang 2,000 te an chhui zui zelna atangin he thutlukna hi an siam ta a ni.
He zirchiannaa an hotunu ORI scientist Sarah Hampson chuan, naupan lai atanga che fel thlep thlawp te chu an puitlin hnuah pawh hriselna lamah chindan tha an nei duh zawk a, stress an nei tlem a, natna chi hrang hrang lakah an fihlim duh bik niin a sawi a, chuvangin naupan laia atanga mahni invawng (self-control) thei tura naupang zirtir hian an puitlin huna an hriselna tur kawng kan sial sak tih kan hriat thar a pawimawh hle a ni, a ti.
He zirchianna chungchang hi Health Psychology-ah tarlan a ni.
Naupang fimkhur lo leh tladah an thau duh
