Wheeze chu nausen/ naupang an thawk zawnga faivuk ang deuha ri veng veng thin hi a ni. Nausen chu thla 9 a tlin atanga sangha ei tir hian wheeze risk hi 50% in a tihniam thei niin an sawi a, chutih rualin an pian atanga kar khat chhunga antiniotics an ei emaw, an nuten an pai laia paracetamol an ei emaw te hian wheeze risk hi a sang leh thung niin an sawi.
University of Gothenburg, Sweden-a Queen Silvia Children’s Hospital-a an hotu Dr Emma Goksor chuan, “Wheeze hi nausen leh naupang, school an kal theih hma deuh vel hian a common hle a, enkawl that ngai ve tak a ni,” a ti.
Zirchianna neitu te chuan naupang panga zelah pakhat chuan vawi khat tal wheezing hi an nei a, naupang sawmhnih zelah pakhatin wheeze hi tum thum emaw a aia tam emaw an nei thin niin an sawi.
Nausen chu thla 9 vel a tlin atanga sangha ei tir hian recurrent wheeze an neih theihna risk 50% in a tihniam thei niin an sawi a, chutih laiin an pian atanga kar khat chhunga broad-spectrum antibiotics an ei chuan wheeze an neih theihna risk hi a let hnihin a sang ve leh thung a, nuin nau a pai laia paracetamol a ei chuan a fain wheeze a neih theihna risk hi 60% zetin a tisang thei niin an sawi bawk.
He zirchianna chungchang hi Acta Paediatrica-ah tarlan a ni.
Naute sangha ei te tan wheese risk a hniam
