Daily Newspaper

Navalny-a’n a thawmhnaw pe let turin Russia ngen

31

Russian opposition leader Alexei Navalny chuan Western laboratory te chuan a taksaah Novichok nerve agent hnuhma an hmuh thu leh Moscow chu a thawmhnaw te pelet turin a ngen bawk.

Navalny hi Berlin-a Charite clinic-ah enkawl mek niin August 20 khan Siberia atanga Moscow pana a thlawh laiin nasa takin a dam lo thut a. Russia a damdawi in-ah ni hnih a awm hnuah Germany-ah phurh a ni zui ta a ni.

“France leh Sweden a independent laboratory pahnih leh Bundeswehr a specialised laboratory te chuan ka taksaah Novichok hnu hma an hmu a ni,” tiin hun rei tak nikhaw hre lova a leh reng hnua a that chhuah tak deuh hnua a blog a thu a post hmasak berah a sawi.

Russia chuan tun thlengin investigation an la kalpui loh thu sawiin Russia chuan Western intelligence officials te emaw Navalny thurualpui tena an beihna tiin a sawi thung.

“Russian thuneitute hnen atang hian engmah beisei ka nei lo,” tiin Navalny chuan a ziak bawk a.

Hei bakah hian Russian thuneitute chu a thawmhnaw te Germany a saruaka phurh thlak a nih hmaa a hak te chu pe let tura ngenin finfiah nan a pawimawh thu a sawi.

“Novichok ka taksaah hmuh a ni a, physcial contact hmanga tura hrai ka nih hi a rinawm ber a, chumi atan chuan ka thawmhnaw te kha a pawimawh em em a ni” a ti a, “Plastic bag ah uluk taka thuna min pe let turin ka ngen a ni,” tiin a sawi bawk.

Instagram-a post a siamah kum 20 a neih tawh a nupui Yulia nena an thlalak post in, a natna leh nat dan a hriat mang loh thu sawiin mahse a nupui chuan a that chhuahna kawngah a puih nasat thu a sawi a.

“Tunah chuan chiang takin ‘hmangaihnain tidamin nunna a pe let che’ tih ka hre tawh” tia sawiin, “Yulia, min chhanhim a, chu chu neurobiology textbook-ah inziak teh se,” tiin a sawi bawk.

Navalny chuan nikhaw hre lova a leh reng laiin Yulia chuan music play khumin, hla a sak sak a, a nuih bawk thu a sawi bawk.

Kar kalta khan Navalny chuan khur hlawk hlawk chunga kea a kal theih tawh thu leh tawngchhuak thei tur chuan therapy a lak a la ngaih thu a sawi tawh a ni.

Navalny thlawptu leh European leader te chuan Novichok, military nerve agent hmanga hrai a nihna chu Russia tihah an ngai a ni.

Hetihlai hian Siberian transport police te chuan Navalny hrai chungchang hi chhui mekin mi 200 vel thu an zawhfiah tawh thu an sawi thung a. Navalny a Anti-Corruption Foundation hotu Ivan Zhdanov chuan Siberian city Tomsk a police te chu an thawhpui tawh dawn loh thu sawi thungin thup tum neia chet la, a ti thung.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy