Naxalite helin police bei, an hmanrua laksak
Chhattisgarh police pahnihte chuan pathianni khan Naxalite hel hoin beiin, na takin an hliam a, an ralthuam ken an laksak bawk.
Heng helte hi Sukma district chhunga market pakhatah civil mi anga inthuamin an kal a, ralthuam inringsa a kal an nih avangin police te tan hian chet hman ngaihna a awm loh thu thuneitute chuan an sawi.
Naxalite te hian heng police pahnihte hi na tak hliam zuiin, an ralthuam neih ang ang an laksak hnuah an insaseng leh a ni.
Police hliam pahnihte hi Jagargunda police station-ah lak nghal niin, tualchhung damdawiinah dah luh zui an ni a, a hnuah thlawhna hmanga Raipur panpui leh niin, enkawlna tha tak pek an nih tawh thu thuneitute chuan an sawi.
Chhattisgarh-ah hian Naxalite ho hi an hrang nasa thei hle a, civil mi anga incheiin ralthuam an pai ru thin a, buaina tam tak an lo siam tawh thin a ni. Tuna thawm an rawn neih leh tan takah chuan sorkar chuan ruahmanna tha zawk nen beihpui thlak an tum thu an sawi.
Naxalite helin police bei, an hmanrua laksak
