A garage-ah BMW 7 Series, BMW 5 Series, Mercedes-Benz GLS, Ford Endeavour leh Toyota Innova te pawh a inhnung tlar dal tawh a, South Indian actress Nayanthara chuan a pianchampha lawmpui nan a pasal Vignesh Shivan, Tamil film industry-a director, hnen atangin Mercedes-Maybach GLS 600 a dawng leh ta. Hetiang car hi showroom-ah cheng vaibelchhe 2.96 man a ni.
He South Indian actress hi hmanni lawka film tlangzarh Jawan-ah khan Shah Rukh Khan nen an chang dun a, hei hi Hindi film-a a vawi khat inlanna niin, a hlawhtlinpui nghal hle a ni.
Maybach GLS600 hian 4.0-litre Biturbo V8 engine neiin, 48-volt electrical system leh EQ function a thuam a ni bawk a, 557 bhp leh 730 Nm torque pechhuak thei a ni. 9-speed automatic transmission neiin, four-wheel-drive a ni a, Mercedes kutchhuak 4MATIC drivetrain a nei a, kg 3,200 chuanga rit a ni chung pawhin he SUV hi second 4.9 chhung lekin 0-100 kmph a chakin a tlan hman.
Nayanthara-‘n a piancham lawm nan Mercedes-Maybach a dawng
![](https://theaizawlpost.org/wp-content/uploads/1-239.jpg)