Daily Newspaper

NBA Academy history siamtu Punjab rawlthar

12

Kum 19 mi Princepal Singh chu NBA Academy graduate zinga NBA G League khel tura contract ziak hmasaber niin, NBA Academy India graduate zinga professional contract ziak hmasaber a ni zui nghal bawk.

Singh hian NBA Academy India-a a tawnhriatte chu a career herdanglamtu a nih thu sawiin, a hmalamah NBA team tana la khelh ngei a tum thu a tarlang tel a, rim taka thawk chunga hmasawn zel a tum thu a sawi.

Forward Singh hi feet ruk leh inchi 10 laia s^ng niin, season tharah hian NBA G League a khel dawn a, a hmachhawp sawiin, “NBA G League hian ka career-ah pawimawhna lian tak a nei dawn a, NBA team zawm theih thuai ka inbeisei,” a ti.
NBA G League hi rawlthar player-te chherpuitlingtu pawimawh niin, an profe-ssional career atan puitu lian a ni a, he hmunah hi kaihhruaina (mentorship leh life-skills training) an dawnna hmun pawimawh a ni.

Punjab rawlthar Singh hian Ludhiana Basketball Aca-demy-ah basketball a khel tan a, kum 2017 khan NBA Aca-demy India zawmin, he hmun hi Delhi khuaa basketball training centre changtlungber niin, ACG-NBA Jump Prog-ramme hnuaia din a ni.

Singh hian Ludhiana Bas-ketball Academy-a a awm laiin state leh national level-a a khelh thin thu leh NBA Academy India a zawm hnua interna-tional kawtkaia inkhelhna hun remchang a neih chhoh t^k chungchang sawiin, “Basketball Without Borders camp ka zawm a, NBA Academy Games ka khel bawk a, he inphochhuahna hun remchang avang hian international player dangte nena inkhelh-hona leh an lak atanga inzirna hun ka nei thei a ni,” a ti.

November 2018 khan Singh hi NBA Global Academy-ah lutin, hei hi US pawn lama mipa leh hmeichhe player beiseiawm zualte kalkhawm-na niin, Canberra, Australia-ah an inkulh a, kumin nipui th^wt laia a zirchhuah hma zawng kha chuan khawvela basketball zirna tha ber ber a dawng chho char char a ni.

NBA Academy program a zawm chhungin Singh hian international basketball event lian tamtak a khel a, chu’ng zing-ah chuan Basketball Without Borders (BWB) Asia 2018, BWB Global 2018 leh NBA Global Camp 2018 a te.

India tan pawh interna-tional competition a khel nual tawh a, Indian men’s senior national team player pawi-mawh a ni chho hial tawh.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy