NBA Ambassador Suga
Steph Curry leh LeBron James tih lam a ni lo, BTS member Suga chu NBA secret weapon tharlam ber a ni a, he South Korean rapper, songwriter leh producer hi NBA Asbassador a nih thu an puang.
A nihna thar avang hian Suga hi khawvel hmun hrang hranga NBA fan-te nena eng eng emaw han tihho chang te pawh a awm tawh dawn a, 2022-2023 NBA season la awm leh a hnulam thlengin a buai ve zak zak dawn a ni.
Suga chuan thuchhuah siamin, “Music leh basketball hi naupan lai atanga ka tuipui ve ve a ni a, NBA Ambassador nih phei hi chu duhthusam rawn thleng dik ta a ni ber mai. NBA nena inzawmna tha lehzual kan nei tur hi ka phur hle a, thawh ho thuai thuai a chakawm tawh hle a ni,” a ti.
Suga hi league thil tih eng eng emawah a tel ve fo a ngai tawh dawn a, NBA leh Suga social channel-ah te tihlan thin a ni ang. Chung zingah chuan Suga hi promotional activity hrang hrangah a inlan ang a, NBA game leh event hrang hrang Asia leh USA-ah te a inlan dawn bawk a ni. Hei bakah hian Suga’n D-Day Tour a neihah pawh NBA hi an lang ve zel dawn a ni.
NBA deputy commissioner leh COO Mark Tatum chuan, “Superstar musician, fashion icon leh NBA fan duhawm ni bawk, Suga nena kan thawkho tur hi kan phur hle a, khawvel huap a fanbase te a chawk phur thin ang bawkin kan thawhhona hian kan brand a tithang ngei ang tih kan beisei,” a ti ve bawk.
NBA Ambassador Suga
![](https://theaizawlpost.org/wp-content/uploads/tap_logo-min-large.jpg)