Daily Newspaper

NCB hmaah Deepika Padukone, Sara Ali Khan, Shraddha Kapoor leh Karishma Prakash ten eng nge an sawi?

8

Tunlai Bollywood titi lar ber ni ta Narcotics Control Bureau (NCB)-in Bollywood star-te ruihhlo nena an inkungkaihna a hailan mekah Inrinni kaltaa NCB hmaa inlan tura an koh Deepika Padukone, Shraddha Kapoor leh Sara Ali Khan bakah Deepika manager Karishma Prakash te chu NCB hian hlina tur an nei mumal tlat lo.

NCB hian heng milarte hi an WhatsApp chat hluiah ruihhlo lei chungchang an sawina te an hai chhuak a, an chat-ah hian tip lam chi sawi nana an hman maal, weed, hash leh doob te an sawi lang a, mahse, Deepika Padukone leh Karishma te chuan heng tawngkam te hi cigarette chi hrang hrang sawi nan an hman niin an sawi.

Cigarette quality chhe deuh chu maal an ti a, a quality tha deuh chu hash leh weed ti tein an sawi fiam vel mai mai niin tan an khawh a ni. NCB hian Deepika leh a manager Karishma te hi a rualin room hrangah thu an zawt ve ve a, an pahniha zawhna an chhan danah NCB lamin hlin tur an nei lo niin an sawi.

NCB hian heng milarte mobile phone hi man sakin an chat hlui te an en let sak a, mahse, ruihhlo zuar te nena an inkungkaihna awm eng mah hmuhchhuah belh an nei ta rih lo a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy