Daily Newspaper

NE state 5 Congress Thalai-in Himanta dem

14

India hmarchhak state pangaa Congress |halai chuan Himanta Biswa Sarma chu CM a nih hma leh nih hnu ah thenawm state-te laka buaina siam thinah leh, hmarchhak hmasawnna tur lam aiin a dinhmun sawhnghehna turin state inunauna tha lam aia hmanraw chhia hmang hreh lohah an puh a. Assam chief minister atanga dahkiang turin BJP hruaitute an ngen tih an sawi.

Arunachal Pradesh Youth Congress, Manipur Pradesh Youth Congress, Meghalaya Pradesh Youth Congress, Mizoram Pradesh Youth Congress leh Nagaland Pradesh Youth Congress-te chuan thuchhuah intawm siamin, tunhnaia Assam sawrkarin tharum leh inpawngnekna hmanga a thenawm state-te a tibuai thin chu an dem tih an sawi a. Assam chief minister-a Himanta Biswa Sarma a awm hnu ah hetianga chetna hi a zualkai ta hle tih an sawi.

‘Assam state bulhnaia civil mite chu an eizawnna, an lo leh huanthlai tihchhiatsak an nih bakah in leh bungruate Assam police-in tharum hmangin tihluihna nen a suasam sak thin te, civil mite kut thlak leh vau an no mai hian, hmarchhak state-a cheng mipuite inkarah inhmuhmawhna siamin, hmarchhak state leh a chhunga chengte inpumkhatna a tichhe nasa hle a ni,’ a ti.

State leh state inkara boruak a chhe telh telh hian Himanta Biswa Sarma din North East Democratic Alliance (NEDA) chu hmarchhak mite hmasawnna tur leh inpumkhat lehzualna atana din a ni lo tih a tihchian thar zel thu leh, hmarchhaka BJP kaihhruai National Democratic Alliance len zel tura an hmanrua mai a ni tih a tihchhian thu an sawi.

‘A state thenawmte nena boruak tichhe zawng hlira hma a lak zel avangin Assam chief minister Himanta Biswa Sarma hi kan dem a. Chief minister a nih hnuah hmarchhak state-te inkara boruak tha lo inmung a zualkai belh tih hi kan pawm dan a ni. Heng avangte hian chief minister ni tlakah kan ngai loa, India hmarchhakah remna leh inunauna tha kan neihte chhawmnun zel a nih theih nan Assam chief minister a nihna atanga lakiang turin BJP hruaitute kan ngen a ni,’ Congress |halai thuchhuak hian a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy