Daily Newspaper

NEDA chhuahsan turin MNF party ngen

5

Hmarchhak BJP kaihhruai intelkhawm North-East Democratic Alliance (NEDA) a a huikhawmtu, Assam chief minster Himanta Biswa Sarma chu inpum-khatna aia inhmelmakna a buaipui avangin thawhpui zel tlaka a a lan loh avangin, he pawla tel Mizo National Front party chu chhuahsan turin an ngen tih Congress Thalai chuan an sawi.

Congress Thalai Hqrs. thuchhuak chuan, Assam CM Himanta Biswa Sarma, hmarchhak BJP kaihhruai intelkhawm NEDA convener ni bawk hian inpumkhatna aia inhmelmakna a buaipui avangin thawhpui zel tlak nia a lan loh thu a sawi a. BJP din NEDA kaihruaitu lu ber Himanta Biswa Sarma chu Mizoram chauh ni lo, India hmarchhak state dangte a tihbuai nasat zual zel avangin Mizoram atanga NEDA zawmtu MNF pawhin Mizo mipuite tan, tia NEDA hi chhuahsan turin a ngen tih a sawi.

‘BJP-in 2016 May 24-a NEDA a din khan politics-a hmarchhak state-te inzawmkhawmna atan dinin, hmarchhak mipuite hamthatna humhalhna atana tih a ni. BJP leh a pawl din NEDA zawmtuten hmarchhak state hrang hranga rorelna an chan tak hnuin an hotupa ber, converner Himanta Biswa Sarma hian Assam CM ni chungin a thenawm state ramri nekbuaiin a rikrap nasa ta hle a. Hetia Himanta Biswa Sarma ber hmarchhaka buaina bulpui leh chawkbuaitu ber a nih avang hian, NEDA zawmtu hmarchhak state dang zawng zawngte pawh hi an pawl zawm chhuahsan turin kan ngen ni,’ a ti.

Mizoram chief minister Pu Zoramthanga’n kum 2018-a national media interview naah BJP kaihhruai NDA leh NEDA chu chhuahsan an tum loh thu a sawi thu an lo tarlan tawh thu leh an thurin (ideology) erawh an zawm loh thu a sawi tih Congress Thalai thuchhuah hian tarlangin, ‘Kan chief minister hian BJP nena thurin inang neilo an nih phawt chuan Mizoram min chhuhsak then tumtu, Mizo mipui min hrek duhtu Himanta Biswa Sarma kaihhruai NEDA hi Mizo ram leh hnam tan a thlawpna tihtawp a hreh kan ring lo a. Tuna hmarchhaka ramri buaina tam tak hi CAA vang a ni tih a langchiang a, MNF sawrkar ngei pawh hian sawrkar laipuia CAB/CAA an thlawpna hi titawp turin kan ngen a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy