Nepal hruaitu te India-ah lo zin
Central BJP Party te sawmna angin Nepal rama sorkarna chang mek Communist Party of Nepal (Maoist Centre) aiawh mi panga (5) te chuan ni ruk chhung July 23 – 28 India a cham turin Sunday khan an lo thleng a ni. Nepal atanga lo zinte hi Pampha Bhusal-in kaihruaiin ni hnih chhung chu Uttarakhand-ah an cham dawn a ni. BJP Foreign Affairs Department in-charge Vijay Chauthaiwale sawi danin he intlawh programme hi “Know BJP” hmalakna a neih a nih thu a sawi. Uttarakhand hi ram pahnihte tan state pawimawh tak a ni a, Nepal nena ramri buai kan neihna lai niin Kalapani-Lipulek-Limpiyadhura bial thum hi Nepal ten an ram anga an chhal a ni a. Hemi a nih avang hian Nepal leh India te hian inlaichinna thalo tak neih phahin Nepal ram hian a khawthlang lam India nena an inrina lai vel hi a ramah a rawn chhal ve tlat a ni.
The “Know BJP” programme hi BJP Party ten ram pawn an zir chianna hmanrua niin ram pahnih te hian tunhma lama an lo tih thin tawh dan zulzuia neih a ni a. Nepal rama political party lian te hian an ram chhim lama political parties lian te nen tunhma lam atang tawhin intlawhpawhna an lo nei tawh thin a. Hemi avang hian Nepal Congress leh Indian National Congress te hian inkungkaihna tha tak lo nei tawhin Maoists te leh India a Left Parties te pawh tunhmain an inhnaih em em tawh thin bawk a ni. India rama Left Party hruaitu lian D.Raja leh Sitaram Yechury te chu India ram aiawha palai hna thawkin kum 2005-08 a Nepal ramah mipui sorkar (Democracy) in Lal rorelna (Monarchy) a rawn thlak pawh khan India ai an awh a ni.
Nepal hruaitu te India-ah lo zin
