March 27, Thawhtan zan khan Euro 2024 khel tur zawnna khelh chhunzawm a ni a. An khelh hmasak berah France laka mualpho Netherlands chuan De Kuip, Rotterdam-a an mikhual Gibraltar chu si thum faiin an sawp a, kawng dik an zawh tan. Inkhel dangah France in si khat faiin Republic of Ireland an hneh a, an hmahruaina an sawh nghet.
Farnce lakah mualpho a, chhe taka bul tan Netherlands hian De Kuip muala an mikhual Gilbraltar hneh ngei tumin tan an khawh. An mikhual lakah hian team tha zawk an nih vangin hnehna nuamsa chang thei tura ngaih an ni sa bawk. An hneh theih ngei tura ngaih lakah minute 40 chhung zet tam zawk ni bawk mah se goal thum bak an thun thei lo thung.
France laka an mualphona thup mawi tura chak mamawh Netherlands tan hian minute 23-naah defender ngaihven hlawh Dumfries siamsak atangin Memphis Depay chuan hmahruaina goal a thun. An mualah ball chang tamin, an mikhualte nawr na viau mahse Netherlands hian chawlhlawk hmain goal dang an thun belh thei lo.
Chawlhlawk hma goal khat thun tawh Dutch ho hian second half-ah bul an tan tha a, goal an thun belh leh thuai. Minute 50-naah Dumfries siamsak atangin Manchester City defender Nathan Ake chuan goal a thun a, an hmahruaina a tizau. Si hnih an phurh hnu lawkah Gilbraltar buai leh zualna a thleng a, minute 51-na lekah Liam Walker hnawhchhuah a ni. Team lian zawk lakah si hnih phur chunga tlem zawk an nih leh zel vangin Gilbraltar tan chet a harsa leh zual a, goal tam zawk an chhuah loh nan tan an khawh zui a ni deuh ber tawh.
An mualah tam zawk ni chungin inlan chhunzawm mahse goal-ah Netherlands an vennei tawk lova, an tum angin goal an thun belh tam thei lo. Hun tawp dawn hnaih minute 82-naah Blind siamsak atangin Nathan Ake chuan an goal thumna a thun leh hram a. An mualah si thum faia hnehna changin, point thum an hmu ta nge nge.
Netherlands hian si thum faiin an mikhual Gibraltar sawpin, point thum hmu bawk mahse Group B-ah pahnihna an la ni phak chuang lo. Khelh hnih atanga point thum hmuin, goal diference-ah -1 a la ni a. Khelh khat atanga point thum hmu Greece chu Netherlands chungah an la awm. Netherlands in si thum faia an sawp Gilbraltar hi vawi hnih an tlawm zawnna a ni a, point an la hmuh loh bakah goal diference-ah -6 zet a ni tawh a, anni hi chu Euro 2024 khel phak tura beisei an ni lo. Group B-a an awmpuite tan point box ni an ni dawn a. Gibraltar sawp nasa deuhin Euro 2024 khelh phak theihna kawng a hawng zau thei viau tura ngaih a ni.
Thawhleh zanah Group B-a inkhel dangah si li fai ngawta Netherlands sawp thei France chuan Aviva Stadium, Dublin-ah Republic of Ireland an hmachhawn a. Benjamin Pavard goal thun hmanga chakin France hian Group B-ah hma an hruai chhunzawm zel.
Mualneitu Republic of Ireland leh an mikhual France te hi an inhnehtawk ang reng viau a, goal lut pawh a awm lawk thei lo. Goal awm lova chawlhlawk an hman hnuin minute 50-naah defender Benjamin Pavard chuan He inkhela goal awmchhun hi a thun a, si khat faia chak France hi World Cup 2022 ah uiawm taka an tlawm hnuin an khelh hnuhnung pahnihah an chak zawn ta chiah. France hian khelh hnih atanga point ruk hmuin Group B-ah hma an hruai a. Point thum an hmuh bakah hian goal diference-ah +5 ngawt a nih vangin an dinhmun a tha lehzual hle.
Austria an khel tha chhunzawm
Thawhleh zana inkhel dangah Group F hmahruai tu Austria an khel tha chhunzawm a. Austria hian Raiffeisen Arena-a an mikhual Estonia chu 2-1 in an hneh a. Group F a inkhel dangah Sweden chuan Friends Arena-a an mikhual Azerbaijan chu si nga fai ngawtin an sawp ve bawk.
Group F-a hmahruaitu Austria hian an mikhual Estonia lakah si an phur hmasa a, mikhual tan hian Rauno Sappinen chuan minute 25-naah hmahruaina goal a thun. An si phurh hi an sut thei lawk lova, hun rei tak chhung si an phur. Si an phurh reng hnuin minute 68-naah Florian Kainz chuan an si phurh a sut a. Phurna nasa taka nen an mikhualte nawr chhunzawmin, minute 88-naah Michael Gregoritschi chuan hma an hruai letna goal a thun a, an mikhualte lehthalin, an chak zui ta a ni.
An khelh hmasak berah si thum fai ngawta Belgium laka tlawm tawh Sweden chuan Friend Arena-a an mikhual Azerbaijan chu si nga fai ngawtin an sawp ve ta thung a. Sweden tan hian Emil Forsberg , Bahlul Mustafazade, Viktor Gyökeres, Jesper Karlsson leh Anthony Elanga ten goal khat theuh an thun a, point thum an hlawhchhuak. March 27, Thawhtan zan khan Euro 2024 khel tur zawnna khelh chhunzawm a ni a. An khelh hmasak berah France laka mualpho Netherlands chuan De Kuip, Rotterdam-a an mikhual Gibraltar chu si thum faiin an sawp a, kawng dik an zawh tan. Inkhel dangah France in si khat faiin Republic of Ireland an hneh a, an hmahruaina an sawh nghet.
Farnce lakah mualpho a, chhe taka bul tan Netherlands hian De Kuip muala an mikhual Gilbraltar hneh ngei tumin tan an khawh. An mikhual lakah hian team tha zawk an nih vangin hnehna nuamsa chang thei tura ngaih an ni sa bawk. An hneh theih ngei tura ngaih lakah minute 40 chhung zet tam zawk ni bawk mah se goal thum bak an thun thei lo thung.
France laka an mualphona thup mawi tura chak mamawh Netherlands tan hian minute 23-naah defender ngaihven hlawh Dumfries siamsak atangin Memphis Depay chuan hmahruaina goal a thun. An mualah ball chang tamin, an mikhualte nawr na viau mahse Netherlands hian chawlhlawk hmain goal dang an thun belh thei lo.
Chawlhlawk hma goal khat thun tawh Dutch ho hian second half-ah bul an tan tha a, goal an thun belh leh thuai. Minute 50-naah Dumfries siamsak atangin Manchester City defender Nathan Ake chuan goal a thun a, an hmahruaina a tizau. Si hnih an phurh hnu lawkah Gilbraltar buai leh zualna a thleng a, minute 51-na lekah Liam Walker hnawhchhuah a ni. Team lian zawk lakah si hnih phur chunga tlem zawk an nih leh zel vangin Gilbraltar tan chet a harsa leh zual a, goal tam zawk an chhuah loh nan tan an khawh zui a ni deuh ber tawh.
An mualah tam zawk ni chungin inlan chhunzawm mahse goal-ah Netherlands an vennei tawk lova, an tum angin goal an thun belh tam thei lo. Hun tawp dawn hnaih minute 82-naah Blind siamsak atangin Nathan Ake chuan an goal thumna a thun leh hram a. An mualah si thum faia hnehna changin, point thum an hmu ta nge nge.
Netherlands hian si thum faiin an mikhual Gibraltar sawpin, point thum hmu bawk mahse Group B-ah pahnihna an la ni phak chuang lo. Khelh hnih atanga point thum hmuin, goal diference-ah -1 a la ni a. Khelh khat atanga point thum hmu Greece chu Netherlands chungah an la awm. Netherlands in si thum faia an sawp Gilbraltar hi vawi hnih an tlawm zawnna a ni a, point an la hmuh loh bakah goal diference-ah -6 zet a ni tawh a, anni hi chu Euro 2024 khel phak tura beisei an ni lo. Group B-a an awmpuite tan point box ni an ni dawn a. Gibraltar sawp nasa deuhin Euro 2024 khelh phak theihna kawng a hawng zau thei viau tura ngaih a ni.
Thawhleh zanah Group B-a inkhel dangah si li fai ngawta Netherlands sawp thei France chuan Aviva Stadium, Dublin-ah Republic of Ireland an hmachhawn a. Benjamin Pavard goal thun hmanga chakin France hian Group B-ah hma an hruai chhunzawm zel.
Mualneitu Republic of Ireland leh an mikhual France te hi an inhnehtawk ang reng viau a, goal lut pawh a awm lawk thei lo. Goal awm lova chawlhlawk an hman hnuin minute 50-naah defender Benjamin Pavard chuan He inkhela goal awmchhun hi a thun a, si khat faia chak France hi World Cup 2022 ah uiawm taka an tlawm hnuin an khelh hnuhnung pahnihah an chak zawn ta chiah. France hian khelh hnih atanga point ruk hmuin Group B-ah hma an hruai a. Point thum an hmuh bakah hian goal diference-ah +5 ngawt a nih vangin an dinhmun a tha lehzual hle.
Austria an khel tha chhunzawm
Thawhleh zana inkhel dangah Group F hmahruai tu Austria an khel tha chhunzawm a. Austria hian Raiffeisen Arena-a an mikhual Estonia chu 2-1 in an hneh a. Group F a inkhel dangah Sweden chuan Friends Arena-a an mikhual Azerbaijan chu si nga fai ngawtin an sawp ve bawk.
Group F-a hmahruaitu Austria hian an mikhual Estonia lakah si an phur hmasa a, mikhual tan hian Rauno Sappinen chuan minute 25-naah hmahruaina goal a thun. An si phurh hi an sut thei lawk lova, hun rei tak chhung si an phur. Si an phurh reng hnuin minute 68-naah Florian Kainz chuan an si phurh a sut a. Phurna nasa taka nen an mikhualte nawr chhunzawmin, minute 88-naah Michael Gregoritschi chuan hma an hruai letna goal a thun a, an mikhualte lehthalin, an chak zui ta a ni.
An khelh hmasak berah si thum fai ngawta Belgium laka tlawm tawh Sweden chuan Friend Arena-a an mikhual Azerbaijan chu si nga fai ngawtin an sawp ve ta thung a. Sweden tan hian Emil Forsberg , Bahlul Mustafazade, Viktor Gyökeres, Jesper Karlsson leh Anthony Elanga ten goal khat theuh an thun a, point thum an hlawhchhuak.
Netherlands an chak ve ta
![](https://theaizawlpost.org/wp-content/uploads/2023/03/neth.jpg)