Daily Newspaper

New Caledonia mipui ten France a beh zui zel thlang

25

France-in a ram pawna territory a neih New Caledonia te chuan France atanga inlakhran duh leh duh loh fiahna referendum an neihah independence an duh lo zawk.

He thliarkar territory hian France-a la beh duh 53.26% neiin awm duh lam an chak zawk a, vote tla tha hle in 85.6% lai a ni.

Kum hnih kalta khan referendum neih a lo ni tawh bawk a, khatah khan France a beh duh 56.7% an awm thung.

New Caledonia hi kum 170 chuang French territory a ni tawh a ni.

French President Emmanuel Macron chuan vote tla result chu ‘France laka rinna nghah lantirna’ tiin a sawi a.

Referendum neih hi kum sawm hnih kalta a, kum 1980 chho atanga indigenous Kanak mite leh European cham hlen ta thlah kal zel te inkara intihbuaina awm hnua remnain a ken tel a ni.

Kanak te hi population a chhutin 40% vel an ni a, Europeans he territory-a piang te hi hmun thuma thena hmun khat vel an ni a, midangte chu Pacific island dang atanga pem lutute leh thlahpawlh te an ni.
Kum 1998-a inremna siama Noumea Accord ziahah territory in autonomy lian zawk a neih theih nan roadmap siam a ni a.

He inremna hnuaiah New Caledonia chuan independence duh leh duh loh thuah referendum tum thum neih phalsak an ni a. Referendum tum thumna chu kum 2022 ah local assembly-in a duh leh remtih chuan neih leh theih a ni.

New Caledonia hian nickel, electronics siamna atana hmanraw pawimawh tam tham tak a nei a, France chuan political leh economic asset anga a ngaih a ni bawk a.

Zalenna zau tak leh thuneihna sang tak neiin mahse France-ah a innghat nasa hle thung a, defence leh education kaihhnawih tin te chu Paris atanga a dawn vek a ni thung.

New Caledonia hi UN in ‘non-self governing territories’ a pawm 17 zinga tel niin a awmzia chu colony anga awmna ata la fihlim lo tihna a ni.

France chuan New Caledonia, mihring 270,000 vel chenna hi kum 1853 daih tawh khan a ram angah a lo chhiar tan tawh a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy