New Delhi khawpuiin khawvawt tuar tan
Boruak bawlhhlawh vanga an buai fe hnuah ram khawpui New Delhi chuan khawvawt tuar chho chhunzawmin, mi tam tak nunphung a buai chhunzawm.
Jama Masjid area, AIIMS Delhi area leh hmun hrang hrangah te chuan mipuite chuan intihlumna zawngin an awmkhawm a, a thente chu khawsak harsa tak takte an nih hlawm avangin an puan lum neih ang ang hmangin an inkhuhlum tawn hlawm.
ANI tarlan danin heng intihlumna zawnga awmkhawmte hi a thente chu chhungkuate an ni a, nitin ei tur an mamawh reng bawk avangin petu tur an zawng reng bawk. AIIMS Delhi bul hnaia mite chuan eitur leh in tur an dawng thin nia tarlan a ni a, an hriselna dinhmun a ngaihtuahawm hlawm hle nia tarlan an ni.
Damdawi in bula hnaia mite chu an hriselna a theih ang anga endik thin niin, doctor ten an tlawh fo nia sawi a ni a, dinhmun hlauhawm zualte chu AIIMS damdawi inah hian hruai luh thin an ni bawk.
Hmun dang danga khawvawtin a hmehte erawh dinhmun hlauhawm tak taka ding an tam hle a sawi a ni a, sorkar chu heng mite dinhmun enfiah thuai a, a tul anga khawvawt kara an khawsak dan ngaihtuahpui ngai tawh tak an nih thu report chuan a tarlang.
New Delhi khawpuiin khawvawt tuar tan
