Daily Newspaper

New York-a Grand Slam khel lo tur Nadal

16

Defending champion Rafael Nadal chuan tunthla tawp lama khelh tan tur US Open-ah hian a title hum-him tura inlan a tum loh thu nemnghetin, US leilunga coronavirus leng m>k chu thunun a la nih loh vanga inhn<kdawk a nih thu a sawi.

Spanish world number two Nadal chuan August ni 31 atanga khelh tur New York tournament lian a hnuchhawn chung-chang sawiin, “Khawvel pumah hripui kai an pun zel avang leh thi pawh an pun zel avangin hriselna dinhmun hi a la chichawm rih >m a ni,” a ti.

Kum 34 mi chuan sawi-zawmin, “He thutlukna hi ka duhloh dan tak a ni a, mahse, tuntum chauh hi chu ka thinlungin tha a tih hi ka zawm mai a ngai si a, zinchhuah rih loh hi thutlukna dik niin ka hria,” a ti.

Rafael Nadal hian nikum khan US Open hnehna changin a grand slam title 19-na a hlawhchhuak a, mipa lama grand slam champion ni ngun ber Roger Federer-a record tluk turin vawikhat chiah champion a mamawh tawh a, New York-ah chuan record dinglai a la tluk pha dawn lo phawt a ni.

Heti a nih t^kah chuan Serbia player Novak Djokovic chu men’s entry list-a mite rinkai ber tur a ni dawn a; hmeichhe lamah American great Serena Williams chuan an ram tournament lian khelh ngei a tum thu a sawi ve tawh bawk.

United States Tennis Association (USTA) chuan kumin hian Flushing Meadows-ah tournament lian pahnih an nghat dawn a, he hmuna khelh thin pangngai US Open bakah Cincinnati Masters chu kumin hian New York-ah an suanlut a ni.

Cincinnati atanga an sawnchhuah t^k Western & Southern Open hi August 20-28 chhungin Billie Jean King Tennis Centre-ah an khel tan ang a, an zawh hnu lawkah US Open an khel zui dawn a, tournament pahnih hi a hmunah fans lamin an chhim thei dawn lo a, player inlan turte pawhin hriselna lama inkhuahkhirhna dan khauh tak an zawm a ngai ang.

Unites States hi khawvela covid-19 tuar nasa ber ram niin, hri kai mi maktaduai 4.68 tehreng zingah thihpui pawh 155,000 chuang an awm tawh.

Palermo lama WTA Tour an chunzawm laiin Cincinnati leh US Open hi kumin March thla hnu lama ATP event hmasa tur a ni.

Nadal-ah bawk khan kirleh lawk ila, Spaniard tan tun hi kum 2016 Wimble-don a khelh loh hnu lama Grand Slam a khelh loh vawikhatna tur niin, a elpui lian ni kumkhua Roger Federer pawh a kh<p an zaina a la dam-chian loh avangin US-ah hian a inlan thei dawn lo a, kumin New York grand slam tournament hi ho khat chuan a ho phawt dawn!

Women’s world num-ber one Australian Ash-leigh Barty chuan kar-liamta mai khan US Open khelh a duh loh thu a sawi a, chuti a nih chuan Roma-nia world number two Simona Halep chu hmei-chhe entry list-a hma-hruaitu tur a nih hmel.

Defending women’s champion Bianca An-dreescu pawhin a title humhim tura New York thlawhluh a tum thu a sawi a, tun dinhmunah thu-tlukna la siam lo an awm nual a, chawlhkar hnih vel chhung hian an chiang hman tura ngaih a ni.

Vawithum lai Grand Slam champion ni ve tawh Andy Murray chuan Flushing Meadows-a inkhelh hi a tum tih a lo sawi tawh a, mahse, hliam avanga world number 129 a nih duai tawh avangin wildcard a mamawh rin a ni.

A hmei-a-paa British number one Johanna Konta leh Dan Evans-te chuan an ranking vawn lai atangin tournament hi an khel thei dawn a, Briton dang Heather Watson, Kyle Edmund leh Cameron Norrie-te pawhin qualifying khelh buai ngai loin US Open main draw an lut thei bawk ang.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy