Site icon The Aizawl Post

Newcastle United in final an lut

anuary 24, Thawhleh zan khan English Caraboa Cup semi-final hmasa zawk khelh a ni a. St Marr’s Stadium a inkhel hmuhnawm takah mikhual team Newcastle United chuan si khat faiin mualneitu Southampton an hneh. Newcastle hian Nottingham Forrest leh Manchester United te inkhela chak zawk zawk an hmachhawn zui leh ang.

St Marry’s Stadium-ah mualneitu Southampton leh an mikhual Newcastle te hi an inhneh tawk viau a, goal pawh a lut var viau nghe nghe. Hun rei tak chhung goal lut a awm theih loh hnuin minute 73-naah Joelinton chuan Alexander Isak cross tha zet mai chu awlsam takin a pet goal a, hmahruaina goal a thun.

An mikhual laka goal an thun hi mualneitu Saints hian an sut nghal thuai. Mualneitu Southampton tan Adam Armstrong goal thun chu VAR hmangin enfiah a ni a, VAR hian pawmsak lo vin, hnawl a ni ta thung. An goal thun hnawl a nih hnu hian an buai thui lehzualna tur a thleng a. Hun tawp dawn tep minute 86-naah Duje Caleta-Car chu yellow card vawihnih hmuh vangin hnawhchhuah a ni. Si phur zawk leh an nih bakah tlem zawk an nih leh cheu vangin an si phurh an sut thei tawh lova, Carabao Cup final luh an tumna an tihhlawhtling zo lo.

EPL ah pathumna ni mek Newcastle United hian kum 1955 hnu lamah trophy lak an la nei leh ta miah lova, Carabao Cup ah hian champion an tumruh hle ngei ang.

Exit mobile version