Daily Newspaper

Neymar an hlauhthawnpui hluai

9

Thawhlehni UEFA Champions League semi-final match-a Paris Saint-Germain-in sithum faia RB Leipzig an hneh tum khan inkhelh banah PSG forward Neymar leh Leipzig defender Halstenberg-te’n kawr an inthleng a, Brazilian star hian final a khelh theih loh mai an hlauhpui!

Hun pangngaiah chuan inkhelh bana team pahnih player-te’n engemaw an han inthlengkual vel hi tih danphung pakhat niin, inngaihsantawnna lantir-nate a ni ve a, dan bawhchhiatna a ni hran lo a, mahse, kan khawvel tawn m>k a dang ta rih a, Covid-19 avanga khawvel a raltit t^k hnu hian kan tih thin tamtak tih a rem lo a, kan tih ngai lohte tih a lo tul ta zawk a, Uefa pawhin coronavirus inkaidarh theihna chikhata ngaiin thuam inthl^kthleng chu kalpui rih lo turin thurawn a pechhuak a, Neymar hian chu thurawn chu a palz<t ta si a, final match a khelh theih loh mai hlauhna a piang.

Europe football thununtu Uefa hian thla hmasa mai khan Champions League leh Europa League-a team tin zawm tur hriselna lam kaihhnawih inkaihhruaina a tichhuak a, he protocol-ah hian player-te chu lehlam pawl nena thuam inthleng loh ni se tiin an recommend a, mahse, phek 31 zeta chhah he inkaihhruaina (document)-ah hian kawr inthleng avanga hremna tarlan tel a ni lo thung.

Hremna hi ziaklang chiah lo mah se PSG fans lam chuan hlauhthawn r<k an nei a, Uefa-in thurawn a pek ang a zawm loh avangin kum 28 mi Neymar hi ni 14 chhung mahnia inkhunghrang turin an ti mai ang tih an hlau a, an club chanchina Champions League final an khelh vawikhatna tur Pathianni inkhel lianah hian Brazilian star striker chhawr theih loh mai an hlauthawng!

Media thenkhatin French champion tantute hlauhthawnna hi tarlang bawk mah se he thu buatsiah lai thleng hi chuan Uefa atangin Neymar chung-chang kaihhnawih eng thu leh hla mah hriat tur a la awm lo.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy