Daily Newspaper

Ngaihven hlawh Aarons

10

Championship club Norwich City tana khel mek kum 20 mi Max Aarons chuan ngaihventu a ngah hle a. Europe-a club lian leh lar tak tak Barcelona, Bayern Munich leh AC Milan ten ngaihven mahse £50m pawhin hralh an phal chuang lo.

‘Dani Alves’ tia a hming lem an vuah Aarons hi season hnih chhung chu Norwich City player pawimawh pawl a ni a, a khel regular viau. 2018-19 championship season-ah khan vawi 41 zet bul a tan a,a khel tha chho tak zet. Championship atangin Premier League-ah an kaisang a, EPL-ah an player pawimawh ni zui lehin vawi 36 zet bul a tan leh. Championship leh Premier League-a chetla hian mit a la hle a, club lian hrang hrangte awh rawn a ni.

Kum 20 mi Aarons hi Premier League hrang hrangte bakah ram pawn club lian Barcelona pawhin an hmutai hle a, Catalan Club lian nen hian sawizawm an ni hman ut ut. Serie A club lian pahnih AC Milan leh Roma te an lang rual leh thawt a, chumi hnuah chuan Europe champion Bayern Munich pawh an rawn lang ve leh a, club lian leh ropui tak takte hian an hmutai hlawm hle. Amanah £50m sen huam bawk mahse Norwich boss Daniel Farke chuan hralh an tum lo bur thung.

Europe-a club lian hrang hrangte ngaihven hat khawpin khel tha chho mahse England tan erawh hmun chan a la harsa dawn thung. Three Lions hian right back tha tak tak an nei a, Trent Alexander-Arnold, Aaron Wan-Bissaka, Kyle Walker, Kieran Trippier, Reece James, Tariq Lamptey leh Ainsley Maitland-Niles te an awm thua vangin an bawm a tawt hle a, mi thar tan hmunawl a awm lo a ni ber mai. Aarons hi a la naupang a, hmun a la chan ngei erawh a rinawm viau thung.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy