Ngaihzawng nei lo va ‘single’ nun hi a hahdam zawk chang leh a nawm zawkna tam tak a awm ve tlat. Ngaihzawng neih hi a nawmna tam mah se a kawng hi a ngilin a tluang reng bik chuang lo a, chuvangin i ‘single status’ kha a that zawkna te kan hrilh ang che.
I ngaihzawng/kawppui tan thilpek tur i ngaihtuah buai a ngai lo. ‘A duhzawng a ni ang em?’, ‘Eng nge ka pek ang?’ tih vel ngaihtuah buai a ngai ve lo. Chu chu ngaihzawng neih loh thawventhlakna pakhat a ni, ‘someone special’ ni a i ngaih khan i thil pek kha a lawm zawng a ni ang em, tih ngaihtuah reng renga rilru hah a ngai ve lo.
Eng emaw programme leh event-ah a hman dan turah inhnial buai pawh a ngai ve lo. Tu ten emaw party-naa an sawm che pawhin tu mitmei mah ven ngai loin i duh duhna lamah i chhuak thei. I awmdanah a ngaihdan a ni lo mai ang em, tih ngaihtuah ngai miah loin, thawveng leh engthawl takin i nun i hmang thei.
I duh duh danin Krismas i hmang thei. I duh leh khaw dangah pawh i zin thei a, i pawisa te pawh nangma tan i hmang thei. Tuemaw ngaihdan i lak hmasak zel a ngai lova, nangma duh ang ngeiin, i duh duh danin i awm thei a, i nuam tihzawng pawh ‘a’ nin nuam a tih ve leh tih ve loh lam i ngaihtuah buai a ngai lova, rilru pangkhing hauh lovin, i nuam tih ang angin i awm thei.
Nangma tan inhmang rawh. Kum tluanin hah takin i thawk a, chuvangin nangmah kha induat ve tawh rawh le, ngaihzawng i neih loh chuan chutiang huntha chu i nei thei ang.
Ngaihzawng neih loh vangin hrehawm ti duh suh!
