NH 54 & 302 kawng siam mek tlawh
National Highway-54 & 302 kawngpui laih zauh leh siamthat hna thawh meka Theiriat–Hrangchalkawn leh Lungpuizawl–Zobawk huam chhunga hma lakna hrang hrang leh harsatna awm chu Ningani khan Lunglei district bawrhsap Navneet Mann chuan a enfiah.
Theiriat leh Zobawk Local Council leh Zobawk Joint YMA hruaituten lo dawngsawngin, an harsatna an lo thlen a. Hna kal meka hmasawnna awm dan leh khawtlang mipuiin harsatna an tawh leh thawktuten harsatna an tawh an enho. Hmalak zel dan tur leh harsatna chinfel dan tur an sawi bawk.
Lungpuizawl leh Zobawk huamchhunga ram neitute atanga harsatna awm chu ram neitute leh contractor-te nen a chinfel dan tur sawiho niin, inrem dan kawng zawn a ni a. Zobawk huamchhunga ram neituten zangnadawmna an hmuh loh vang leh harsatna dang vanga kawng laih an remtih lohna thenkhat chu an harsatna chinfel mek a nih avangin a ranglama hna tan tura tih niin, zangnadawmna la tawh in pathum thiah tur awm chu kar tharah a neituten thiat tanin, an thiah zawhah hna thawh tan nise, tih a ni.
NH 54 & 302 kawng siam mek tlawh
