MGNREGS, ni 100 inhlawhnaah Mizoram chuan a thawh that avangin sawrkar laipui atangin duhsak bik kan ni tih Rural Development minister Lalruatkima chuan a sawi.
Ningania Reiek Block Development officer pisa a hawnnaah RD minister chuan RD department thawktute leh khawtlang hruaitute thawhhona azarah BDO office building thar pali leh Project Director office pathum hawn theih a ni ta tih a sawi a. Reiek chu khualzin mite tana pan tur tha tak a nih angin khawtlang mipui inbuatsaihna pawh a tha a, self help group (SHG) hmangin kawng hrang hrangin eizawnna lamah hmasawnna a awm theih ngei a beisei tih a sawi. RD department chuan Mizoram mipui zaa 80 vel an enkawl mek a, tun sawrkar term chhung hian ni 100 inhlawh tura tih a nih angin an la thawk thei zel tih a sawi a ni.
Reiek BDO office building hi MGNREGS fund contractor profit paih hnuah nuai 161.64 hmanga sak a ni a. Zopa chhiara chhawng li a ni. Reiek RD Block hi kum 1974-a din a ni a, 2022 May 20 khan sak tan niin kumin August 18 khan sak zawh a ni.
Ni 100 inhlawhnaah centre-in min duhsak bik – RD minister
