Daily Newspaper

Ni 100 inhlawhnaah ni 62 thawk tawh

12

Sawrkar kum kal mekah ni 100 inhlawhna – MGNREGS-ah job card holder-te ni 62 an inhlawh tawh a, inhlawhna sum hmuh tawh chu nuai 27907.90 a ni.

Rural Development minister Lalruatkima sawi danin, Mizoramah job card 201107 chhungkua an awm mek a. Sawrkar laipui atangin kum kal mek – April 1 atanga September 29 chhung khan MGNREGS hnuaia ni 100 inhlawhna (wages) sum hmuh tawh chu cheng nuai 27907.90 a ni. Hemi hmang hian chawhrualin Mizorama thingtlang mipui job card holder-te inhlawhna ni 62 theuh siamsak tawh a ni.

Tun dinhmunah job card holder pakhatin ni khatah Rs. 225 zel hlawhin thla kal mek September-ah hian mipui inhlawhna ni 10 dang thawh/buatsaih leh a ni tih RD minister hian a sawi.

Kumin September 25 khan thingtlang mirethei in sak tanpuina turin central share cheng nuai 500 leh state share nuai 121. 274 chu Finance Department atangin RD Department chuan an dawng tawh tih minister hian sawiin, thingtlang mirethei in sak tanpuina chhungkaw 191 (1st instalment), chhungkaw 64 (2nd instalment) leh chhungkaw 937 (3rd instalment) bakah chhungkaw 1562 (4th instalment), a vaiin chhungkaw 2754 te in sak chhunzawmna tur a daih dawn a. In sak tanpuina sum hi PMAY-G beneficiary-te account theuhah thun mek a ni tih a sawi bawk.

Aizawl West-II bialtu MLA Lalruatkima hian Nilaini khan a bial veng 6 tan puanthui khawl semin mi 105 hnenah sem a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy