Daily Newspaper

Ni hnih chhungin hri kai 79 hmuhchhuak Tualchhunga inkaidarhna atanga kai 16

14

September 26 leh 27 zinga result chhuakah Mizoramah Covid-19 kai thar mi 79 an awm a. State pawn atanga rawn kailut ni lo, tualchhunga inkaidarhna atanga kai nia ngaih mi 16 an awm.

Sample lak result chhuak atanga tehin, tualchhunga hri inkaidarh hian ziaawm lam a pan dawn tan nia ngaih a nih laiin September 26-a sample endik, a tuk September 27 zinga result tihchhuahah positive contact hi mi 13 an awm leh a; Tuithiang Veng atangin mi 2, Bawngkawn ami 4, Mission Veng leh Chaltlang Ruam Veng mi pakhat ve ve, Thuampui 2 leh Durtlang Leitan 3 an ni. An vai hian an ina inkhunghrang lai vek, natna la langchhuak lo vek an ni.

September 26 zinga result chhuakah positive contact hi mi pathum an awm thung a. Durtlang ami 2 leh Republic Veng ami 1 niin, Durtlang amite hi ina inkhunghrang, natna langchhuak lo an ni a; Republic Veng mi hi inkhunghrang lo a ni, natna pawh langchhuak lo a ni. A ni hi an office-ah RT-PCR laka a remchang e, tih vanga lo laktir ve niin, inrinhlelh theihna hnai a neih loh avangin sample laktir ve mah se, a lo inkhunghrang hran lo a, Republic Veng task force leh sawrkar lam chuan contact tracing ti nghalin a tul ang angte khunghran an ni a, sample lak turte pawh ruahman nghal a ni.

RT-PCR hmanga endik September 26-a result chhuakah hian Assam Rifles mi 27 hri kai hmuhchhuah thar an ni a; BSF mi pawh he ni hnih chhung hian 17 hri kai hmuh thar an ni bawk. TrueNat hmanga endikah Serchhip atangin BSF mi 10 chu he ni hnih chhung hian hmuhchhuah an ni.

Champhai-ah TrueNat hmang hian mi pahnih, Assam atanga lo lut, Tarmat Company hnuaia hna thawk chu hri an kai tih hmuhchhuah an ni a; Lungleiah mi pakhat Assam atanga lo lut leh Lawngtlaiah pakhat, Assam atanga lo lut bawk hmuhchhuah an ni.

Rapid Antigen Test hmangin Mamit-ah pakhat, Naisingpara Tripura atanga lo haw, Kanhmun Screening Point-a hmuhchhuah; Serchhip-ah mi pahnih, pakhat hi Manipur atanga lo haw khunghranna hmuna awm lai leh pakhat dang hi frontline worker niin, Sample Collection Team ami a ni.

RAgT hmang tho hian Aizawlah pakhat hmuh a ni a, Assam Rifle hmun Khatla-a khawsa, misitiri a ni a. Tunhnaia zin chhuahna neilo, zinchhuah tum vang zawka R. Dengthuam Hall-a mahni in test a ni. Lawngtlaiah pakhat, Jharkhand lam mi, BRO hnuaia hna thawk, khunghranna hmuna awm lai chu hri a kai tih hmuhchhuah a ni bawk.

He ni hnih chhunga hri kai hmuh tharte hi an taksaa natna langchhuak lo vek an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy