Daily Newspaper

Ni hnih chhungin hri kai hriat thar 47

9

Inrinni leh Pathianni khan Covid test result tihchhuahah hri kai thar 47 an awm. He ni hnih chhung vek hian hri kai enkawl, dama enkawl hmun chhuahsan mi 51 an awm ve thung.

Pathiannia result tihchhuahah Mizoramah Covid-19 kai mi 31 hmuh thar an ni a, an zingah hian tualchhunga kai, an kai dan tak hriat nghal loh mi pathum an tel a ni.

Tuna result chhuak hi Zoram Medical College-a sample 218 endik zinga 26 leh Rapid Antigen Test hmanga endik zinga an kai tih hmuhchhuah mi 5 an ni a. Lungleia TrueNAT hmanga sample 25 endikte chu hri kai lo tih hmuhchhuah vek an ni.

Hri kai hmuh tharte hi Aizawl district ami 25 niin, heng zinga 19 hi state pawn atanga Mizorama lo lut, inkhunghrang mek an ni a. An zinga mi 15 hi Thingsulthliah pioneer camp-a awm an ni a, medical staff zingah hri kai hmuh pathum an tel bawk.

Hri an kaina hriat loh mi pathum an awm a. Pahnih hi Thingsulthliaha hnathawk, mipa ve ve an ni a; pakhat hi Chanmari West mi, task force-a tel a ni.

Vairengte screening point-a Rapid Antigen Test-a lirthei hmanga Mizorama lut tur endiknaah hri kai 6 hmuh thar an awm bawk.

Inrinni khan kai mi 16 hmuh thar an ni a, tualchhung atanga kai pakhat a tel.

Hemi tuma result tihchhuah, ZMC-a sample endik 317 zingah hri kai 16 hmuh an ni a; Siaha district ami 3, Mamit district 3, Lunglei district-a awm BSF pakhat, Aizawl district mi 8 leh Assam Rifles mi 1 an ni. Aizawl district mi pakhat tih loh hi state pawn atanga Mizorama lut, khunghranna hmuna awm mek an ni. An zinga pakhat, Zemabawk Veng mi, a kaina hriat loh a awm.

September 6 tlai dar 6 thlenga chhinchhiah danin Mizoramah Covid hri kai hmuhchhuah 1093 awmin hri kai tawh lo tin finfiah enkawl hmun chhuahsan tawh 732, enkawl mek 361 an awm a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy