Daily Newspaper

Ni nga chhung leka Rs 3,076 crore nei thei PM-CARES Fund

11

PM CARES Fund chuan din anih atanga ni nga chhung lekin cheng vbch 3,076 a neih hman thu Fund website chuan a tarlang.

“Kum 2019-20 khan PM CARES Fund-ah cheng vbch 3,076.62 hmuh hman a ni,” tiin website a Frequently Asked Qustions (FAQs) section ah tarlan a ni a. “Kum 2019-20 khan foreign currency-in PM CARES Fund-ah cheng nuai 39.68 hmuh a ni,” tiin a tarlang bawk.

Fund hi March 27, 2020 khan public charitable trust anga registered a ni a, financial year tawp hma ni ngaah ziah luh a ni. Press Information Bureau press release hmanga puan niin darkar khat chhung lekin crore chuang thawh zui nghal a ni.

Kum 2019-20 collection information kha PM CARES Fund website ah belh a ni em a chiang lo va. Prime Minister’s Office chuan Right to Informtion hmanga donation leh donor te kimchang dilna chu Fund hi public authority a ni lo tiin a hnawl thung.

FAQ hian April thla atanga thawhtute information a tarlang lo va. Mipui hriatah chuan Public sector oil leh gas company tena cheng vbch 1,000 an thawh te, Defence Ministry leh armed forces employee tena cheng vbch 500 an thawh te bakah Tata Group leh Reliance Industries tena cheng vbch 500 an thawh te chu a puangchhuak thung a. May thla tir lam khan senior officials te chuan sum thahnem tawk a awm hunah a kimchanga la tarlan tur an ti thung.

May 13 khan PMO tarlan angin FAQs ah ventilators, migrant worker welfare leh vaccine development atan PM CARES Fund atangin cheng vbch 3,100 pek chhuah a nih thu a puang a ni.

PM atanga chhuak tho Prime Minister’s National Relief Fund (PMNRF) pawhin sum thawhtute leh pek chhuah dan te bakah foreign contribution te kum tin a tichhuak thin a. Tuna information hnuhnung ber PMNRF a tarlan chu 2018-19 kha niin cheng vbch 534 chuang thawhkhawm niin December 2019 thleng khan sum hman loh cheng vbch 3,800 a awm a ni.

Heng fund pahnih te hian independent auditor an intawm a, Delhi-a inbun accountants SARC and Associates te an ni.

Supreme Court-in tul ti lo
Supreme Court chuan nimin khan PM-CARES Fund-a sum te chu Covid-19 pandemic beihlet nan National Disaster Response Fund (NDRF) a chhunluh kher a ngai lo a ti.

Three-judge bench Justice Ashok Bhusahn kaihhruai chuan ‘PM-CARES hi NDRF nen thil hrang hlak a ni’ tiin a sawi.

Chutihrual chuan court chuan Section 46(1)(b) of the Disaster Management Act of 2005 hnuaiah ‘mimalin NDRF a volunatary contribution a pek khapna a awm lo’ a ti bawk a.

Thuremna a siamah Justice Bhushan chuan National Disaster Management Plan siam danglam a ngaihna an hriatloh thu sawiin ‘Ruahmanna awmsa hi a tawk a ni’ tiin Justice bhushan chuan a sawi a, Covid-19 leng mek avanga ruahmanna thar siam a ngai lo, a ti bawk.

Court chuan Section 12 of the 2005 Act hnuaia sorkar-in guidelines a siam chhuaha ‘minimum standards of relief’ ah inrawlh a tulna a hriat loh thu a sawi bawk a.

He provision hnuaiah hian National Authority chuan chhiatna a thlenin a khawih leh tuartu mihringa te hnena chhawmdawlna pekah minimum standards siamin hei mi chungah hian relief camp a awmna, eitur, tui leh damdawi leh sanitation te a huam a, a bik takin hmeithai leh fahrahte chu ngaihsak zual tur niin nunna chan te chhungte hnenah zangna dawmna pek tur ni bawkin an chenna in leh eizawnna chhiaah pawh chhawm dawlna ruahman tur a ni bawk.

Supreme Court-in thuremna a siamna chhan hi Centre for Public Interest Litigation (CPIL) tena senior advocate Dushyant Dave leh advocate Prashant Bhushan te ruaia public interest litigation petition an thehluh hrin a ni.

Sorkar chuan PM-CARES chu ‘public charitable trust’ tia sawiin ‘tu te pawhin an thawh theihna’ a ti a. Hei vang hian PM-CARES a sum te chu statutory fund NDRF te anga chhunluhtir tum chu hriatfiahloh vang a ni tiin sorkar chu a tang a ni.

Dave chuan PM-CARES chu Comptroller and Auditor General-in a audit a ni lo va. ‘Public scrutiny’ hnuaia awm a ni lo va, sum thawh tin te pawh ‘100% tax free’ a nih thu a sawi a.

Senior advocate Kapil Sibal chuan corportae contribution chu PM-CARES a donate tura tawktarh siam a ni a, a chhan chu corporate social responsibility benefits an neih theih dawn vang a ni a, chu tak chu State’s fund a donation angah chuan kalpui theih a ni ve lo, a ti bawk.

Court chuan natural disaster leh pandemic leng ang thleng thei zelah te ram pum huapa ruahmanna tha siam ni se tih pawh ngaihtuahin he thilah erawh thuremna a la siam lo thung.

Union Ministry of Home Affairs chuan a hma in affidavit an siamah PM-CARES fund awm chhanah NDRF te nena in ang lo hlaka ‘voluntary donations’ dawnna tur a ti bawk a.

Sawifiahna a siamah NDRF chu Section 46 of the Disaster Management Act of 2005 hnuaia siam niin Central leh State budget a dah ve ve a ni a ti bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy