Daily Newspaper

Ni ruk inkhung hnu-ah chhungkaw 80 chuang chhuanchham

10

Covid-19 hrileng vanga containment area-a puan, Aizawl veng lian pakhat Ramhlun South-ah chuan chhuanchham an awm nual tawh a, an veng task force te’n an tanpui mek.

Ramhlun South-ah hian hri a darh ang tih hlauvin August ni 25 khan an Local Level Task Force (LLTF) te’n inkharkhip an puang a, a tukah sorkarin containment area-ah a puang zui. Hei vang hian inah an tawm a, hmun dang nen intlawhpawh lovin an inkharkhip mek.

Thawhtanni khan an veng LLTF hian chhungkaw 83 hnenah tanpuina an sem a, buhfai leih chawhmeh an sem.

Dawrkai, inhawng thei lo te, inhlawha eizawng, inhlawh thei ta lo te leh hnam dang an ni tih thu dawn a ni a, an vengah hian hnam dang, haw lo an awm nual a ni awm e.

An LLTF secretary Hrathmingthanga chuan YMA-in tanpui ngai zawn hna an thawh thu leh section YMA hruaitute kovah a tlak thu a sawi a, “Section hruaitute hian mi an hre chiang a. Chhungkaw hrang hrang dinhmun an hria a, mamawh an neih dan tur te pawh a hre ber tur an ni a. Anni hian survey an han nei a, chhungkaw 83 an thlang ta a ni,” tiin tanpui ngai an zawn dan a sawi.

LLTF-in sum a lo leh thil dang a lo neih sa te, an venga dawrkai pakhat, veng dang miin alu leh thil dang a rawn thawh thu te a sawi a, chu’ng chu an sem ta tih a sawi.

Chhuanchham an awm thu hi sorkar thuneitu lam pawhin an hria a, hmalak an tum thu leh chu chu an ngaihchan bawk thu Hrathmingthanga chuan a sawi a, swab sample endik result an hriat belh zel thu leh positive an pun loh chuan containment area an nihna pawh hlih mai theih a nih avangin, tuna harsatna tawkte pawh hi hna han thawk leh thei mai turah an beisei thu te a sawi bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy