Mizorama primary health centre leh sub centre 300 chuang hnenah ni zung chakna hmanga kawlphetha an dawn theihna tur ruahman a ni a. He programme – ‘Energy for Health’ hi Ningani khan Health & Family Welfare minister Dr R Lalthangliana chuan a hawng.
SELCO Foundation Mizoram leh Health & FW department chuan thawhhona thuthlung (MoU) an ziak a, he program kaltlang hian state chhunga health centre 300 chuang chu nizung chakna hmangin kawlphetha pek tum a ni. Mizorama PHC zawng zawng leh sub-centre thenkhat a tuam anga, PHC pakhat atana sum hman tur hi nuai 7-8 inkar niin, sub center pakhat solarise-na tur hi cheng nuai 3-4 inkar ni tura ngaih a ni.
Health minister chuan kumin ral hma ngeia Mizorama health centre 300 chuangah ni zung chakna hmanga hnathawhna atana an mamawh kawlphetha pechhuak tura hma lak a ni chu lawmawm a tih thu a sawi a. PHC leh sub centre hrang hrang, kawlphetha hmuh that loh avanga buai thinte tan thu lawmawm tak a ni, tiin, tunlai khawvelah nizung, luiluang, thli leh a dangte (renewable sources of energy) hmanga kawlphetha siamchhuah uar deuh deuh a pawimawh tih a sawi.
Ni zung chakna hmangin kawlphetha pe dawn
