Superstar rapper Nicki Minaj chuan Instagram-ah nau a pai tih a puang a, a naupai dul puar a dawm lai thlalak post-in, “#Preggers” tiin a caption-ah a dah.
Minaj, kum 37, hian nau a pai tih a puan hnu lawkah a fans leh duhsakna hlantute hnenah lawmthu sawiin, “Hmangaihna. Inneihna. Nau puakpuan. Hlimna leh lawmnain ka khat,” a ti leh bawk.
Nicki Minaj leh a pasal Kenneth Petty te tan an fa hmasa ber tur a ni a, October 2019-a innei kha an ni a, Minaj hian chhungkaw din tura rimawi khawvel chawlhsan rih a tum thu te pawh a lo puang tawh a, May thla khan a zun in thu leh luakchhuak ti deuh nghulh a neih thin thute a post a, khata tang khan nau a pai a nih rinna fans lamin an nei tawh a, tunah chuan amah ngeiin a naupai thu a puang ta a ni.
