Daily Newspaper

Nicki Minaj nu a ni ta

9

Rapper Nicki Minaj pawh nu a ni ve ta. Minaj leh a pasal Kenneth Petty te chuan Los Angeles-ah an fa hmasa ber an nei ta a, naute hi September ni 30 a piang niin, naute hming an la phuah lo va, mipa nge hmeichhia tih pawh an la puang lo. Nu leh pa ni thar Minaj leh Petty te hian October ni 21-ah an inneih champha hmasa ber an lawm thei dawn chiah bawk a ni.

Minaj, kum 37, hian a naupai thu hi July ni 20 khan Instagram-ah a puang a, a naupai dul puar al tawh thlalak a post tel bawk.Tunah hian naute an nei ta a, naute leh a nu pawh an tha niin an sawi.

Minaj pasal Petty, kum 42, hi California-ah sex offender anga chhinchhiah a nih avangin zin kual phal sak a ni lo va, mahse, a judge-in pre-trail release condition tihdanglam sakin, zin mai bakah a nupuiin nau a neih laia lo awm ve pawh a phal sak a ni. Petty hi zan lama chhuah theih loh hun (curfew hour) siam sak a ni, Minaj nau neuh hi a curfew hour hnu lam a nih tawh si avangin chhuah phalna a neih a ngai a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy