Niger sipai te chuan Presidnet Mohamed Bazoum hren mek chu ‘phatsantu’ tia thubuai an siamsak tur thu sawiin hetihlai hian West African ram te nen buaina chinfel a nih theih nan inbiakna neih an duhthu an sawi thung.
Niger a democratic hmanga thlantlin president Bazoum chu presidential bodyguard te ngeiin July 26 khan an paihthla a, khata tang khan pawn chhuak thei lovin a nupui fa te nen capital Niamey a presidential compound ah khungin an awm mek a ni.
President dinhmun hrechin nia sawi te chuan electricity pek an ni lo va, eitur pwh an tlachham tawh tiin an sawi a. Mahse, hei hi junta te chuan hanwl thungin West African politicians leh internatiobnal partners te chu junta te tihmingchhe zawnga campaign neiah an puh thung.
Hetihlai hian Bazoum chu chhuah zalena president dinhmun luahtir leh tura khawvel ram tena an nawrna a nasa hle tawh a. West African regional bloc ECOWAS te chuan sipai te chu a tirah nisarih hun an pek chu a ral tawh a, engmah chetlak zuina a awm rih lo thung.
Karkalta khan ECOWAS te chuan sipaite chu inralring turin an tingei a, Niger hi an luhchhuah ngei dawn em tih erawh engmah hriatchian theih a ni lo thung. ECOWAS te chuan a hma pawhin Niger sipai te chu tharum hmanah an lo vau tawh thung.
Niger-in president thubuai siamsak tum
