Daily Newspaper

Nigeria naupang rukbote chhuah ta

15

Kar kaltaa north-western Nigeria-a boarding school atanga school naupang mipa za chuang rukbo te chu chhuah zalen an nih thu tualchhung thuneituten an sawi.

Katsina state governor chuan school naupang 344 te chu chhuah zalen an ni a, dam tha takin an awm vek tiin a sawi a. Report thenkhatah erawh naupang thenkhat chu hren an la ni awma sawi a ni thung.

He boarding school hi Islamist militant group Boko Haram tena an rawk niin Boko Haram thupuangtu Abdul Labaran chuan mipa naupang te chu regional capital Katsina City ah hruai an nih thu leh an chhung te nena an inhmuh vat tur thu a sawi a ni.

State Governor Aminu Bello Masari chuan, “Naupang tam zawk kan hmu tawh a, an vaiin kan la hmu vek lo,” tin a sawi a. Naupang pakhatmah tihhlumin an awm lo niin a sawi bawk.

Kar kalta Zirtawpni khan Kankara khuaah silai keng ten school hi luhchilhin naupangte an ru bo a, school naupang thenkhat chu an tlan chhuak hman thung a, a bula ram ngawah an biru hlawm a ni.

A hnu lawkah naupangte lanna video thehdarh niin chutah chuan naupang pakhatin Boko Haram leader Abubakar Shekau gang tena an rukbo thu sawiin sorkar sipaite chu anmahni chhui zui lo tur leh an chhui zui a nih chuan thaha an awm vek tur thu a sawi a ni.

Boko Haram te hian tun hnai kum sawm chhungin rukbo nasa taka kalpuiin kum 2014 pawh khan Chibok-ah school naupang hmeichhia 300 dawn an ru bo tawh a. Boko Haram tih hi ‘Khawthlang zirtirna khap a ni’ tih a ni a, Islamist ruh ngun mai an ni bawk.

Naupang rukbo an kalpui hi an inbunna Nigeria hmarchhakah a ni deuh ber a, tuna an rukbona hi chu an inbunna nena inhlat tak a ni thung.

Amnesty International te chuan Boko Haram te hian kumin kumtir atanga thlaruk chhungin mi 1,100 chuang an tihlum tawh niin an sawi a, sorkar chuan tihngaihna tak a hre lo niin an sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy