Inrinni zan Madrid Open hmeichhe singles final-ah Poland nula rothap Iga Swiatek chuan 7-5, 4-6 7,-6(7)-in Belarus player Aryna Sabalenka a hneh a, a career-a he title a lak vawikhatna a ni.
Park Manzanares, Madrid-a final khelte kha nikum WTA 1000 claycourt tournament hmawr lo bawk dun tawhte bawk niin, kha mi tum 2023 final-ah khan Sabalenka a chak zawk a, kumin erawh world number one Swiatek hun ni ve tawhin, a career-a title 20 a lak tlinna a nih rualin Sabalenka kuta Spain ram khawpui tlak lei chunga intihsiak title pathum lut tling tur a dangchat tel bawk.
Tun kha season kal laia women’s ranking-a a sang pahnih intawn vawikhatna niin, beisei ang ngeiin inkhel entu mipui hnenah inkhel nung leh inbeitawk an entir a, Grand Slam champion ve ve pahnih inkarah match rei ber niin, darkar thum leh minute 11 a awh.
Pole Swiatek a chak hnuah Belarusian laka a head-to-head record a san belh a, vawi 10 an intawn tawhah vawisarih chak tlingin, vawithum a tlawm thung.
Nikum final-a a ngam loh hneha Madrid Open title hawntu Swiatek
