Serthlum tam hun lai a ni a, Mizoram thil tharchhuah pawimawh serthlum tam vanglai a ni, a hun a liam tep tawh zawk. Serthlum dinhmun, a tam leh tam loh te, a man chungchang te pawh a chiang tawh.
Thlasik hmasaah aiin tun thlasik kal mekah Mizoramah serthlum a tam zawk a, a man pawh a to zawk tih thu dawn a ni.
A huan neite leh a zuarte sawi danin, December-ah a vanglai a intan a, January thla chawhnu lamah chuan a vanglai hi liam tan thin. December leh January dinhmun enin, thlasik hmasa aiin serthlum a tam a, a rah pawh a tha zawk.
Thlasik hmasaah khan serthlum a tam nasa a, chuvangin a hma aia a tlem bakah a rah pawh a hma angin a tha lo. Tun tumah hian serthlum hi a tam chu a awm tho a, mahse a tam nasa lo. Chuvangti a rah hnem a, a rah pawh a tha an ti.
A hma aiin Mizoramin serthlum a ngah zawkah an ngai a, han ngaihtuah mai chuan a man pawh tlawm awm tak, a hma aiin a to zawk hlauh.
A thartute leh a zuartute chuan Mizoramin serthlum a ngah poh leh a man hi a to an ti a, chu chu kum tin dan a ni tih an sawi.
Mizoram serthlum hi hnam dangin an rawn khar thin a, Mizoramin a ngah poh leh an rawn lut nasa, a rah a tha poh leh an duh an ti a, kuminah pawh a thartute’n an hralhna man (rate) a thaah ngaih a ni.
“A hmaa kan lakna aiin a to; a hmaa Rs 4-a kan lak theih kha Rs 5.50 velin kan la a, a hmaa Rs 6.50 vela kan lak kha Rs 8.50 velin kan la,” serthlum khar thin Mizonu pakhat chuan a ti.
“Vaiin an ngam huai a, Mizoram serthlum a tha tih an hria a, a huanin an rawn hauh tawp a. Chuvang chuan a rate hi a sang lo thei lo,” a ti a, “A hmaa nuaia an ngam kha tunah chuan nuai 1.5 velin an ngam ti ila a dik ka ring,” a ti bawk.
Serthlum zuarte chuan kuminah hnam dangin Mizoram sertlum an la nasa tih an sawi a, thlasik hmasa aia an tam bakah a man pawh a tha tih te an sawi.
Nikumah aiin kuminah serthlum to
