Site icon The Aizawl Post

Nipui laia load-shedding awmtir lo turin hrilh

Sorkar laipui chuan power company te chu summer season ah power load shedding a awm miah loh nana hma la tura tiin electricity demand sang zel turah mipuite mamawh phuru tura hmalaa inpuahchah turin a ti.
Union Power Minister RK Singh an review meeting Power, Coal leh Railways ministries a senior officials te a neihpuiah nipui laia electricity demand sang tur sawihona neih a ni a.
Meeting neihnaah hian Singh chuan power company te chu nipui vanglaia load-shedding siam miah lo turin a ti, tiin power ministry thuchhuah chuan a tarlang.
Power company te chu thil awm dan enfiah nghal veka electricity demand sang tur hre lawka hmala nghal tur leh Central Electricity Authority te pawh States/UT hrang hrangte hnenah langtlang leh dik taka coal pe chuak turin a ngen zui bawk.
Central Electricity Authority te chuan kumin nipui laiin electricity demand chu a vanglai ber tura ngaih April thlaah 229 GW vel a nih an ring a. He mi hnu hi chuan India chhim lam atanga monsoon season intan chuan zawi awia rampum tuamin thla 3-4 chhung velin tlakhniam lam a pan zui thin niin an sawi.
India GDP in 7 per cent dawn a hawlh tawh laiin power demand chu hmun tinah a sang zel a, kum khatah 10 per cent velin a pung, tiin an sawi bawk.
Estimate ang chuan energy demand chu April thlaah 1,42,097 MU a nih beisei niin chu chu kum khata a san ber tur nia ngaih a ni a, May thlaah 1,41,464 MU ah tlahniamin, a tlahniam zel anga November thlaah chuan 1,17,049 MU a ni vel turah an ngai a ni.
Nipui laia mipui tena an mamawh power an neih leh hmuh theih nan power ministry chuan multi-pronged strategy an duang zui bawk a. He hmalakna hmang hian coal-based power plant te pawh a hma daiha lo tinugn lawk tawhin chu chu mamawh vanglaia hman nghal theih tura a inpeih at theih nan tih a ni.
India-in coal-base plant a neih tin te chu March 16, 2023 atangin full capacity a nung turin section-11 (of electricity act) hmagn thupek pek an ni tawh bawk a. Heng coal-based power plant tinah hian coal stock pawh mamawh tawk a awm bawk.
Ministry of Railways chuan CIL, GSS leh captive block hrang hrang 418 rakes pek a remti a, hei bakah hian power plant tena coal stock an mamawh tawk an neih theih nana pek zel theih a inpeih bawk a. Peak demand laia gas-based power te pawh hman tura inpeih tir at an ni bawk.
Ministry chuan NTPC te chu April-May chhunga 5,000 MW gas-based power station te tinung turin thupek a pe tawh bawk a. Hei bakah hian nipu vanglaiin 4,000 MW pechhuak thei gas-based power capacity tihbelh a ni dawn bawk a. GAIL te chuan nipui laia mamawh tawk gas pek an remti bawk.
Hydro plant tin te pawh RLDCs/SLDCs (Regional/State Load Dispatch Centers) te nena inbe rawna tun thla leh tha thara water utilization felfai zawka hman a nih theih nana hmala tura tih an ni bawk a.
Thla thar hian India chuan coal-based plant 2,920 MW pe chhuak thei a neihbelh dawn bawk a. Hei bakah hian Ministry chuan Barauni a unit hnih (2x110MW) chu tihnun a nih tur thu an sawi bawk.

Exit mobile version