Club thuneituten an thlawp that tawk loh vangin PSV Eindhoven manager Ruud van Nis-telrooy chuan season tawp dawn ruaiah a hna a chawlhsan thut.
Manchester United forward hlui Van Nis-telrooy hian kum 2022 atang khan Dutch club lian PSV hi a enkawl tan a. Dutch Cup leh Dutch Super Cup-ahte PSV hi a champion pui tawh. Dutch Eredivisie-ah PSV hi pahnihna a nihpui mek bawk a. Pahnihna ni chunga season khar turin an hmachhawn leh tur AZ Alkmaar lakah tlawm an pumpelh a ngai. PSV hi Eredivisie champion thar Feyenoord aiin point 10in an hniam zawk mek a, an hnuai chiaha awm Ajax aiin point thumin an sang zawk mek. Kar tawpah AZ Alkmaar an hneh a nih chuan champions league khel tur zawnna an khel phak ang.
Dutch Eredivisie leh inelna dangah chetthatpui thawkhat viau mah se thlawpna dawng tha tawk zo lova a ingaih vangin Nistelrooy hian a hna a bansan thut a. A ban tur thu hi a player te leh a coaching staff te a hrilh hmasa a. A hmun-ruak hi Assistant coach Fred Rutten-an a luah lailawk rih ang.
An manager Nistel-rooy-a’n a chhuahsan thut hi PSV thuneitute chuan pawi an tih thu an sawi a. Johan Cruijff Shield leh Dutch Cup lakpuitu hi a hma lam hun turah duhsakna an hlan bawk.
Nistelrooy a bang thut
![](https://theaizawlpost.org/wp-content/uploads/2023/05/nistelroy.jpg)