National Institute of Technology Mizoram hnuaia non teaching employee (regular) te chuan lungawiloh lantirin Nilaini – October 18 khan a huhoin chawlh an la.
NIT Mizoram Non-Teaching Employee (Regular) chuan, sawrkar laipui Ministry of Human Resource Development-in kum 2010-ah state 10 tan NIT pakhat theuh a din zinga pakhat chu NIT Mizoram a ni a. Kum 2011 atangin Chaltlang Aizawlah mimal in luahin bul tan a ni. Non-teaching staff-te hi NITs Recruitment Rules sawi anga promotion thei tawh tam tak an awm laiin, ministry atanga post sanction a awm loh bakah an hotuten an bawhzui tha lo ni ah an ngai a. Hetihlai hian zirtirtute erawh recruitment rules-in a sawi ang aia hmaa promotion tam tak an awm tawh niin an sawi.
Non-teaching officer tan room ruahman sak duh loh leh an room chhuhsak tum an awm laiin, officer zingah an nihna in a ken tel anga institution hotuten hnathawh tur pek duh loh ringawt pawh an awm tih sawi a ni bawk.
Tunhnaiah administration a felfai loh tak em avangin Ministry of Education-in Mizoram tana NIT pek hi khar mai an hlauh avangin NIT Mizoram Non Teaching Association chuan institution hotute vawi tam dawrin, hma la tura an ngenna awmzia a nei loa, thuneitute kar nan leave lak nise, tia an rel angin Nilaini khan non-teaching officer & staff te chuan pisa an kal lo a ni.
An kal zel dan tur hi a tlachawpa ngaihtuah chhunzawm an tum nia thu dawn a ni.
NIT-a thawktute nuar
