Inelna ngaihhlut hlawh Tennis huangah Novak Djokovic chuan record thar a siam a. Tennis-a mipa leh hmeichhe tennis player awm tawh zawng zawng zingah World No. 1 ni rei ber a ni a. Chawlhkar liam ta khan record thar siam turin Djokovic hian Stefi Graff record a khum.
Grand Slam-ah vawi 22 zet champion tawh Novak Djokovic hi Australian Open 2023-ah a champion hnu khan ATP No. 1 a ni zui leh nghal a. Ranking tihchhuah thar berah No.1 a nih zui leh tak vangin chawlhkar 378 zet World No. 1 a ni tling ta chiah a, World No. 1 ni rei ber a ni zui nghal.
Hmeichhe lama player ropui Stefi Graff kha chawlhkar 377 zet World No.1 a ni hman a, hmeichhia leh mipa player zawng zawng zingah fal takin World No. 1 ni rei ber a ni ngar ngar. Mipa lamah hian Tennis ngainatute ngainat rawn Roger Federer arawn ropui chho va, Swiss star hi chawlhkar 310 No.1 a ni hmanin, mipa lamah No.1 ni rei ber a ni thin. Mipa lamah player tha fal pahnih Federer leh Rafael Nadal te inkarah Serbian star Novak Djokovic arawn dawk chhuak zawk a. Rilru paukhauh leh huaisen Djokovic hian No.1 nih rei lamah Roger Federer a tlanpel ta hial. Federer record a thaichhiat hnuin hmeichhe player ropui Stafi Graff record pawh a rawn thaichhe zui leh ta zel.
Grand Slam-ah champion ngun ber ni thei tura beisei Djokovic hi chawlhkar 378 zet World No.1 ni tawhin, tennis player zawng zawng zingah No.1 ni rei ber a ni mek a. Record khum har zawk hnutchhiah turin hun eng emaw chen chu No.1 a la ni rih dawn bawk. Grand Slam-ah vawi 22 champion a, World No.1 ni rei ber ni bawk Djokovic hi kum 35 laia upa a ni tawh a, tennis-ah a hun chawhnu lam hmang meka ngaih a ni. 2023-ah kum bul a tan tha a Australian Open-ah a champion nghal. Grand Slam dangah pawh champion tura rinkai a ni leh ngei dawn a, player ropui ber ni chungin Tennis a chawlhsan theih a rinawm.
Tennis-a No.1 nih rei lamah chawlhar 322 zet Nio.1 lo ni tawh Martina Navratilova chu pathumna a ni a. Palinaah Serena Williams a awm a, Serna hnung chiahah hian Roger Federer awmin pangana a ni a. Grand Slam-ah vawi 22 champion tawh Rafael Nadal chuan No.1 ni rei zingah top 10 huang a luah phak lo tlat thung.
No.1 ni rei ber Djokovic
