Daily Newspaper

No Tobacco Week hmang mek

8

UPC- North East India, Aizawl East District chuan kumtina an hman thin angin December 7-13 chhung hian ‘No Tobacco Week’ an hmang mek.

District Thianghlimna Committee-in circular a chhuah angin, hrileng vangin kohhranten inkhawm programme siam theih ni lo mah se, tualchhung kohhran tinte chu a hlawk thei ang bera hmang turin remruat nise, a ti. He week chhung hian kohhran hote chu zuk leh hmuama inthiar fihlim a, la nghei theilote pawh nghei tura ruhmanna siam turin ngenna a chhuah bakah December 13 (Pathianni) zan hian a kharna hun hmang turin ngenna a siam bawk.

UPC-NEI Aizawl East District hian November kar hmasa berah No Tobacco Week a hmang thin a. Chutihlaiin General Hqrs. in December 2 (Pathianni) hi Anti-Tobacco Sunday atan a ruahman tak avangin Aizawl East District, District Board chuan 2019 atang khan December Pathianni vawi hnihnaa Anti-Tobacco Sunday hi No Tobacco Week khar nana hmangin Pathianni vawi hnihna hmalam zawng hi No Tobacco Week atan hman thin tawh nise tiin a rel a ni.

Zuk leh hmuam thianghlimna kawngah chak taka hma la in, kohhran mipuite chu zuk leh hmuam an nghei theih nan hma a la reng a, Kumtin zuk leh hmuam nghei thar pawh engemawzat an awm thin a ni. UPC-NEI Aizawl East District Conference vawi 20-na rorelnaa pass tawh angin ‘Zuk leh hmuam nghei loten Pulpit-a hun hmang tawh loa, lecturn atanga thusawi tawh tur leh zuk leh hmuam ngheite chauh Upa leh Tual Upaa ruat tawh tur,’ tia alo pass tawh angin, tunah hian a takin kalpui mek zel a ni tih an sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy