Daily Newspaper

Nongpok Sekmai Police station a tha ber

10

Manipur Thoubal district a awm Nongpok Sekmai police station chu India rama police station tha berah thlan niin Ministry of Home Affairs (MHA) chuan 2020 ranking a tichhuak.

Police station tha top ten zinga tel te chu AWPS-Suramangalam, Tamil Nadu a Salem city, Kharsang, Arunachal Pradesh a Changlang a awm, Jhilmili (Bhaiya Thana) Surajpur, Chhattisgarh, Sanguem, South Goa, Kalighat, Andaman & Nicobar Islands, Pakyong, Sikkim East District, Kanth, Uttar Pradesh a Moradabad district, Khanvel, Dadra & Nagar Haveli leh Jammikunta Town police station, Telangana a Karimnagar district a mi te an ni.

“Government of India chuan kumtinin ram chhunga police station 16,671 atangin a tha ber te a thlang chhuak thin a. Hei hi police station tha zawk awm theih nan leh inelna hrisel awm theih nana tih a ni,” tiin MHA chuan thuchhuah siamin a tarlang.

“State tina police station tha te property offence, hmeichhia te laka sualna, chaklo zawk te laka sualna, mibo, chinhriatloh hmuhchhuah leh mithi hriatloh finfiah te chu teh nana hman a ni a. A hnuhnung ber hi kumin atanga kalpui a ni,” tiin MHA chuan thuchhuah siamin a tarlang.

Police station ranking hi kum 2015 khan Prime Minister Narendra Modi an Directors General of Police conference neihnaa a rawt a ni a. Police station tha tehna siama chuta tanga an dinhmun thlir ni se a ti a ni.

Kumin hian police station tha ber thlanah harsatna tam tak paltlang a ni a. Covid-19 avanga police station kilkhawr zawk te tlawh pawh a harsa hle a ni, tiin MHA chuan a tarlang bawk.

“Union Minister for Home Affairs Amit Shah chuan police station sang chuang fe atanga thlanchhuah te chu hmun kilkhawr leh khawpui tenau zawka awm a nih thu a sawi a. Top 10 a lang atangin chu chu a chiang a ni. Hei hian resource pawimawh zia a pholang a, chuai mah chuan police personnel te inpekna sualna tihtawp leh ram tana an inpekna a pawimawh a ni,” tiin thuchhuah chuan a tarlang bawk.

A tirah chuan State tin atangin police station thlanchhuah phawt 750 atangin state tin atangin pathum zel, Delhi leh Union Territory te atangin pahnih theuh thlan chhuah phawt a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy