Daily Newspaper

Northeast atangin Israel-ah pem

12

India northeast atanga Bnei Menashe community mi 252 te chuan December 15 khan Tel Aviv-a Ben-Gurion airport tumin Israel an lut.

Chungkua 50 lai niin kawppui nei lo 24 an awm bawk a, nausen pali kum hnih hnuai lam awm bawkin kum 62 chunglam mi 19 an awm bawk a. Israeli sorkar chuan October thla khan Israel rama an pemluh retihna a pe.

“An zinga 90 per cent vel ten immigration permit an tifel vek tawh a, an vai hian Shavei Israel absorption centre, Nordiya ah dah an ni ang,” tiin Bnei Menashe community member chuan a sawi.

Shavei Israel hi non-profit organisation niin Jews te ram hrang hranga awm te Israel a hruai haw hna thawk an ni.

“Quarantine period an hman zawhah thla thum chhung absorption process an paltlang leh ang a, hetah hian Hebrew an zir ang a. Chu mi hnuah Nazareth Illlit area-ah an awm ang,” tiin a sawi bawk.

Kum 2003 atang khan Manipur leh Mizoram atangin Bnei Manashe community 2,347 ten Israel an pan tawh niin Ministry of Immigration and Absorption chuan a tarlang.

Bnei Manashe te Jews nihna chungchangah hian inhnialna nasa tak a awm a. Mahse, kum 2005 khan khatihlaia Chief Rabbi of the Sephardi community, Rabbi Shlomo Amar chuan Israel thlah kal zel an nih pawmin Israel rama an pem remtihna a pe a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy