Daily Newspaper

Northeast India-ah lockdown kalpui thar nasa, virus kai pung

20

Manipur Chief Minister N. Biren Singh office a computer operator chu Covid-19 kai a ni tih finfiah a nih hnuah health officials te chuan Durbar Hall leh hmun thenkhatte chu containment zone-ah an puang zui nghal.

Thuneitute chuan Imphal chehhvela medical college pahnih leh private hospital thenkhatte chu an khar bawk a. Regional Institute of Medical Sciences, Imphal chuan damlohna pangngai te chu an enkawl zu rih lo bawk.

Chumai bakah damlo tam tak te chu chhuahtir niin mirethei te tan harsatna a nasa zual hle a. Phumlou khuaa fa pali nei a taksa 40% kang pawh an chhuah tir tho.

Shija Hospital pawh a then lai Covid-19 kaina awmin chhawng lina chu damloin Covid-19 a kai avangin kharkhip nghal a ni zui.

Manipur-ah hian Covid-19 positive 2,573an awm tawh a, 1,524 an thachhuak tawh thung a, tun thlengin nunna chan an la awm lo thung.

Nagaland a Dimapur district lockdown
Dimapur, Nagaland sumdawnna hmunpui chu ni riat chhung nimin atang khan lockdown a ni.

Nagaland-a Covid-19 kai 1,339 awm tawh zingah Dimapur district-ah tam berin 527 lai an awm a, Kohima-in dawtin 334 an awm tawh bawk.

Kohima district administration te chuan July 25 atang khan ni sarih chhung lockdown an lo kalpui tawh bawk.

Sikkim in August 1 thleng lockdown
Sikkim sorkar chuan August 1 thlengin state pum lockdown a kalpui a, hei hi virus leng danna tura tih a ni.

Pathianni kha Sikkim in ni ruk chhung lockdown a kalpui tawp ni a ni a, mahse, pawhsei a ni ta a ni.

Pathianni khan Covid-19 kai kum 74 a upa chu State-run hospital-ah a thi a ni.

Shillong lockdown
Meghalaya sorkar pawhin July 26 atang khan July 29 zanlai thlengin Shillong leh chehhvel lockdown a lo kalpui tawh bawk a.

Lockdown kalpui a nih chhan hi tun hnaia Covid-19 kai an pun tak vang a nih thu Deputy chief minister Prestone Tynsong chuan a sawi.

Meghalaya-ah hian Covid-19 avangin mi pangain nunna an chan tawh a, mi 587 kai an awm tawh bawk a, heng zinga 495 chu active case niin mi 87 an tha chhuak tawh thung.

Tynsong chuan tualchhunga inkaidarh an ven ber thu sawiin, “Dinhmun a tha lo zui a nih chuan lockdown hi pawhsei a ni ang,” tiin a sawi bawk.

Tripura lockdown
Nimin atang khan Tripura sorkar chuan state pum ni thum chhung lockdown a kalpui a. Hetih chung hian health Department chuan house-to-house survey neiin rinhlelh te lakah antigen test an kalpui ang.

Chief Minister Biplab Kumar Deb chuan mipuite chu lockdown zawm tura ngenin sorkar leh police te chuan lockdown khauh taka an kalpui tur thu sawiin ‘virus a darh loh nana hmalakna a ni’ tiin ngenna a siam.

Chief Minister chuan health staff te survey work-a inhnamhnawih tin te hnenah incentive Rs 1,000 pek vek an nih tur thu a sawi a. Hei bakah hian khum, ventilator leh PPEs te bakah emergency equipment an ngah tawk thu a sawi bawk.

Zan lam curfew chu kalpui reng sa niin Tripura-ah hian Covid-19 kai 3,787 an awm tawh a ni.
Assam-ah Covid-19 kai pung zelin Pathianni khan 1165 lai kaithar hmuhchuah niin heng zinga 353 chu Guwahati khawpui chhunga chengte an ni.

Tihian Assam state pum-ah positive case 31,086 a nei tawh a, heng zinga 7951 te chu active case an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy