Daily Newspaper

November 1 ah academic session tan tur

17

University leh college academic session chu November 1 atangin tan a ni ang a. Kumina thlasik chawlh leh kum 2021 a nipui chawlh leh holiday dangte chu hun hloh hnawhkhah nan tihtlem a ni ang tiin University Grants Commission chuan a sawi.

Covid-19 pandemic avanga guidelines siam tura din expert committee te rawtna chu UGC in pawmin he mi zulzui hian university te chuan kar khatah ni ruk chhung zirtir hna an kalpui thung ang.

UGC chuan April thlaah college te hawn a nih theih nan academic calender lo tichhuak tawhin exam guidelines leh zirtirna kalpui dan tur te a lo tichhuak tawh a.

Khatih lai khan ruahmanna ang chuan college te chu September a hawn tur a ni a, mahse, coronavirus leng a zual zel avangin kalpui theih a ni ta lo a ni.

Ruahmanna siam thar ang chuan first year zirlai te admission chu October 31 thleng kalpui theih a ni ang a, first semester chu November 1 atangin tan a ni ang.

Academic hun hloh hnawhkhah a nih theih nan UGC chuan college te chu kar khatah ni ruk zirtir hna thawk turin a ti bawk a, kumina thlasik chawlh leh nakuma nipui chawlh chu a titawi bawk dawn a ni.

Hei vang hian University te chuan karkhatah niruk zirtirna an kalpui ngei dawn thung a, hei hi zirlai tena kum hloh an neih loh nana ruahmanna a ni.

India ramaUniversity leh school te chu kumin March 16 atangin khar a ni tawh a, hei hi Centre-in Covid-19 khuahkhirhna atana a hmalakna kalpui vang a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy