Daily Newspaper

November ni 28 ah Mike Tyson le Roy Jones Jr.

8

Palian huanga champion thei naupang ber, boxer rothap tia hriat hlawh zui reng Mike Tyson chu boxing ring chhungah kir leh turin a inbuatsaih mek a, November ni 28 khian champion hlui Roy Jones Jr a hmachhawn dawn. Round 8 chhung inhnek hmachhawn turin kum 54 mi Tyson hi a inbuatsaih mek a, a thawk rim hle. Kum naupangte ni mai awmin a che vel a zangkhai in a hmuhnawm a, a trainer Rafael Cordeira chuan Tyson hian palian huanga boxer tha filawr pahnih Tyson Fury leh Anthony Joshua meuh pawh a la hneh theih hial a ring.

Roy Jones Jr hmachhawn tura a inbuatsaihnaah Mike Tyson hian a trainer Rafael Cordeira hi a knockout hial a, beisei phak baka thain a inlan chho zel. Tyson hian nitin darkar 6-7 chhung training a nei ziah a, a training hmimthla an phochhuah thin atangin boxer hlauhawm a nihzia a hmuh theih. A theihna hrechiangtu Codeira phei chuan Tyson hi a dah sang hle a, champion kawnghren chuh tlak khawpa tha a nih thu a sawi.

“Tyson hian kawnghren inchuhna hmachhawn ta se, Tyson Fury leh Anthony Joshua meuh pawh hneh theih turin theihna sang tak a la nei. Hei hi tuin ngei thil theih loh ang a ngai awm ang? Ni tina a hmasawnna hmu tan thil theih loh nia ngaih chi a ni lo,” tiin a fak a. November ni 28-a a hmachhawn tur Roy Jones Jr pawhin a khingpui tur chu midang ni lovin Mike Tyson a la nih reng thu a sawi ve bawk a. ‘Tyson kha a la ni reng a, thahrui tha tak a la nei reng. A khingpui tan bomb hlauhawm tak a la ni reng a, a lakah tihsual zeuh neih a thiang lo. Kan inhnek hunah hian eng thil pawh thleng thei a ni a, inseh hial pawh thleng thut thei a ni….” tiin fiamthu a thawh zui zauh bawk.

Kum 54 mi, 2005-a inhnek chawlhsan tawh Mike Tyson hian weight then hran pathuma champion hlui Roy Jones Jr a hmachhawn dawn a, inhnek hmuhnawm tak a nih ngei a rinawm a, November ni 29 zinga lamah inhnek kan en thei tura ngai ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy